A provincia de Udine, no norte de Italia, aprobou unha partida orzamentaria de 17 000 euros para a realización de actividades de promoción da lingua friulana.
Fonte: Udine 20
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de xuño de 2016
Na última enquisa de 2015 sobre o coñecemento e uso social da lingua propia o 85% dos enquisados afirma que o valenciano debería empregarse igual ou máis.
Fonte: Agencia EFE
22 de xuño de 2016
Este corrector ortográfico é o primeiro en basearse nunha tecnoloxía específica para a lingua vasca, denominada Hobelex e dispoñible para o procesador de textos LibreOffice.
Fonte: Diario Vasco
22 de xuño de 2016
Varios investigadores da Universidade de Vigo presentaron o libro Escritos de lexicografía plurilingüe especializada, no que reflexionan sobre as problemáticas e cuestións que xorden á hora de elaborar un dicionario plurilingüe.
Fonte: Universidade de Vigo
22 de xuño de 2016
Varias agrupacións de apoio a linguas do Reino Unido e Irlanda asinaron unha carta na que alertan das consecuencias negativas que podería ter para estas linguas a ruptura de Gran Bretaña coa Unión Europea.
Fonte: Stornaway Gazette
21 de xuño de 2016
O equipo de fútbol decidiu mostrar o seu apoio ao idioma cambiando o dominio da súa web a .eus para que todo o mundo teña acceso directo á versión en éuscaro da web. Tamén pensan abrir perfís exclusivos en éuscaro nas redes sociais.
Fonte: Vavel
21 de xuño de 2016
A entidade en defensa do catalán Plataforma pola Lingua pide que se lles esixa saber catalán aos xuíces que exercen en Cataluña.
Fonte: La Vanguardia
21 de xuño de 2016
A Consellería de Cultura, Educación e Ordenación Universitaria da Xunta de Galicia, representada no secretario xeral de Política Lingüística, participou na presentación do libro O Camiño Francés no Códice Calixtino, do historiador Francisco Singul e do artista plástico Cándido Pazos, que se celebrou na sala de Ámbito Cultural do Corte Inglés de Callao, en Madrid.
20 de xuño de 2016
Menos dun 5 % do funcionariado de Bolivia ten coñecementos básicos nunha lingua indíxena, anunciou o Goberno boliviano.
Fonte: Página Siete
20 de xuño de 2016
O presidente do municipio de Miranda do Douro acolleu con sorpresa que a Asociación da Lingua Mirandesa non fose consultada sobre o proxecto de construción do Museo da Lingua Portuguesa en Bragança.
Fonte: RTP Notícias
Boletín
Subscríbase ao boletín
