Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria vén de publicar a resolución definitiva dos novos centros escolares que incorporan o ensino plurilingüe neste curso 2016/17. Trátase dun total de 26 colexios a razón de 13 na provincia da Coruña, 3 en Lugo, 1 en Ourense e 9 en Pontevedra.
Fonte: O Portal da Lingua Galega
Valentín García Gómez, secretario xeral de Política Lingüística, participou no Museo de Pontevedra no acto de apertura da exposición conmemorativa do centenario da creación das Irmandades da Fala ‘Saúde e Terra, irmá(n)s’.
Fonte: O Portal da Lingua Galega
A Plataforma polos Dereitos Lingüísticos solicitoulle ao Goberno da Generalitat Valenciana a que poña en marcha unha lei que esixa o valenciano como requisito para acceder á función pública.
Fonte: El Diario
O equipo de tradución ao galego de Gnome anunciou que xa están a traballar na nova versión desta ferramenta, a 3.22, que estará dispoñible nesta lingua ao 100 %.
Fonte: Código Cero
O servizo nacional de noticias de China informou de que máis do 70 % dos cidadáns chineses son competentes en chinés mandarín, un 17 % máis que ao final do século.
Fonte: Reuters
Científicos da Universidade Cornell de Nova York revelaron nun estudo que existe un padrón común entre fonética e significado á hora de construír palabras en máis de dous terzos das linguas do mundo.
Fonte: ABC
Esta web pretende converterse nunha referencia para coñecer toda a información, actividades e proxectos relacionados co éuscaro e a súa aprendizaxe.
Fonte: El Correo
A compañía que xestiona o transporte público en Londres acaba de poñer en marcha unha campaña na que os seus traballadores falan nas súas respectivas linguas, entre as que figura o galego.
Fonte: Sermos Galiza
Ambos os gobernos renovaron un convenio escolar destinado a impulsar accións conxuntas en materia de educación e fomento do catalán.
Fonte: La Vanguardia
A fita proxéctase durante dúas semanas en versión orixinal con subtítulos en galego no marco da colaboración coa Secretaría Xeral de Política Lingüística e inclúese a maiores no catálogo do programa didáctico ‘NUMAX na Escola’ para o curso 2016-2017.
Fonte: O Portal da Lingua Galega
Subscríbase ao boletín
