Esta campaña ten como obxectivo transmitir unha imaxe moderna e creativa da lingua galega, relacionándoa con valores como a igualdade de xénero ou a xustiza social.
Fonte: Consello da Cultura Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de xuño de 2016
Dos 9887 estudantes que se van presentar á Proba de Acceso á Universidade, 6808 farano en éuscaro, fronte a 3079 que se decantarán polo castelán.
Fonte: El Correo
07 de xuño de 2016
O modelo de calculadora ClassWiz de Casio permite escoller idioma e entre eles ofrece a posibilidade de seleccionar o éuscaro.
Fonte: Diario Vasco
06 de xuño de 2016
A Oficina do Censo dos Estados Unidos de América comezará a ofrecer cuestionarios e formularios censuais en árabe dado o forte incremento que experimentou o uso desta lingua no país americano.
Fonte: Breitbart
06 de xuño de 2016
A Radio e Televisión de Portugal (RTP) e a Corporación Radio e Televisión de Galicia (CRTVG) asinaron un acordo no Porto para traballar xuntas na primeira coprodución de ficción. A serie levará o nome de Vidago Palace e, aínda que terá como lingua principal o portugués, contará tamén con actores e actrices que falen galego.
Fonte: Notícias ao Minuto
06 de xuño de 2016
A Consellería de Xustiza e a Academia Valenciana da Lingua (AVL) acordan o desenvolvemento de iniciativas conxuntas que incentiven o uso do valenciano na xustiza.
Fonte: La Vanguardia
06 de xuño de 2016
A Consellería de Educación, Investigación, Cultura e Deporte organiza o encontro para coordinar as accións en materia de política lingüística.
Fonte: El Periodic
06 de xuño de 2016
O Concello de Vitoria-Gasteiz e a Deputación Foral de Áraba promoverán a lingua vasca no ámbito do ocio, do tempo libre e do deporte.
Fonte: Gasteiz Hoy
06 de xuño de 2016
O secretario xeral de Política Lingüística, Valentín García, participou no Museo de Pontevedra no acto de presentación do libro-CD de poesía multilingüe Poesis, un proxecto coordinado pola profesora Elisabeth Oliveira con poesía e cancións en galego, portugués, francés e castelán.
Fonte: O Portal da Lingua Galega
06 de xuño de 2016
O Portal da Lingua Galega (www.lingua.gal) fixo pública a convocatoria dunha nova praza de lector ou lectora de lingua, literatura e cultura galegas no Centro de Estudos Galegos da Universidade de Salamanca.
Fonte: O Portal da Lingua Galega
Boletín
Subscríbase ao boletín
