O Europarlamento acollerá a conferencia co título "Respecto polos dereitos lingüísticos? As discriminacións lingüísticas na Unión Europea", organizada por grupos parlamentarios da Alianza Libre Europea, Os Verdes e a Esquerda Unida Europea en colaboración coa Rede Europea para a Igualdade das Linguas (ELEN). Este encontro contará coa participación d'A Mesa pola Normalización Lingüística que exporá o informe do servizo "Liña do Galego".
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
31 de maio de 2016
31 de maio de 2016
A Asociación da Prensa da Coruña e a Consellería de Cultura, Educación e Ordenación Universitaria presentan o libro Antón Villar Ponte e as Irmandades da Fala, unha obra que acaba de ver a luz co obxectivo de difundir a relevancia deste movemento histórico no desenvolvemento cultural de Galicia, así como o labor das persoas que o impulsaron.
Fonte: O Portal da Lingua Galega
31 de maio de 2016
A televisión pública de Grecia adquiriu os dereitos de emisión dunha serie rodada integramente en éuscaro, Aitaren etxea, que se emitirá nesta lingua con subtítulos en grego.
Fonte: Fórmula TV
31 de maio de 2016
A Academia Valenciana da Lingua (AVL) e a Real Academia da Cultura Valenciana (RACV) aprobaron unha declaración conxunta coa que mostran o seu desexo de traballar conxuntamente a prol do valenciano despois de anos de enfrontamento.
Fonte: La Vanguardia
31 de maio de 2016
Unha nova escola pública abrirá as súas portas en Differdange (Luxemburgo) coa posibilidade de impartir lingua portuguesa. Ata agora os pais do alumnado non manifestaron demasiado interese en que os seus fillos aprendan este idioma.
Fonte: Dnoticias.pt
31 de maio de 2016
O director de linguas indíxenas do Ministerio de Cultura do Perú declarou que nos últimos anos desapareceron no país andino 37 idiomas orixinarios. Moitos indíxenas denuncian a día de hoxe a imposibilidade de vivir nas súas linguas.
Fonte: Crónica Viva
30 de maio de 2016
A terceira edición do programa dinamización lingüística Dragal, que promove a Secretaría Xeral de Política Lingüística a través dos equipos de dinamización da lingua galega, pechouse coa derradeira das actividades deseñadas para este curso académico: a entrega de diplomas de participación e o xogo de rol do “Encontro da Fraternidade”.
Fonte: O Portal da Lingua Galega
30 de maio de 2016
Modesto Fraga recibiu o premio do XIX Certame de Poesía Concello de Carral, pola súa obra Devalar sen pel, nun acto no que tamén se presentou a edición do poemario gañador na pasada edición de 2015, Soño e vértice, de Eva Veiga, publicado co apoio da Consellería de Cultura e Educación.
Fonte: O Portal da Lingua Galega
30 de maio de 2016
A política lingüística do Goberno de Navarra terá como base o plan estratéxico do éuscaro elaborado por Euskarabidea-Instituto Navarro do Éuscaro.
Fonte: Naiz
28 de maio de 2016
A comisión de cultura do Consello Rexional de Sardeña está elaborando unha proposta de lei que pretende introducir o ensino da lingua e literatura sardas en todos os niveis de ensino.
Fonte: Orizzonte Scuola
Boletín
Subscríbase ao boletín
