Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Aula Abierta, un programa de Radio Andalucía Información (RTVA), galardoou un traballo de investigación da Universidade de Málaga no que se analizan as noticias que tratan sobre divulgación lingüística e sobre as linguas de España e as súas variedades.
Fonte: La Vanguardia
O presidente da cámara municipal de Miranda do Douro, Artur Nunes, mostrouse disposto a colaborar co Principado de Asturias no ámbito da investigación lingüística, xa que os idiomas mirandés e asturiano teñen aspectos comúns.
Fonte: RTP
As universidades británicas están comezando a ofrecer cursos de nivel inicial de linguas estranxeiras como o francés, o alemán e o español para contrarrestar o declive no ensino destes idiomas en secundaria.
Fonte: The Guardian
A mostra itinerante 'Manuel María. Beleza, amor e compromiso (1929-2004)' chega a Vilalba, outra das vilas emblemáticas da vida e da obra de Manuel María Fernández Teixeiro, o autor ao que Real Academia Galega lle rendeu tributo o 17 de maio.
Fonte: O Portal da Lingua Galega
A Consellería de Xustiza, Administración Pública, Reformas Democráticas e Liberdades Públicas da Comunidade con esta medida busca atender a cidadanía en ambas as linguas cooficiais e estender o uso do valenciano na Administración de Xustiza.
Fonte: Valencia Plaza
Francisco Díaz-Fierros Viqueira, Xosé Manuel Cid Fernández e o Concello de Brión foron os galardoados pola súa utilización do galego.
Fonte: Consello da Cultura Galega
Co obxectivo de fomentar o uso do galego na publicidade do tecido empresarial compostelán, o Concello convoca o VI Concurso de proxectos de publicidade comercial en galego.
Fonte: Consello da Cultura Galega
Os programas, aos que se destina unha cantidade de 3,2 millóns de euros, están destinados a apoiar a euscaldunización do profesorado de centros privados.
Fonte: 20minutos
Varias organizacións convocaron para o sábado 4 de xuño unha manifestación en Pamplona para reivindicar o dereito a vivir en éuscaro.
Fonte: Noticias de Navarra
A Deputación de Ourense asume desde este ano a organización deste galardón que premia novelas en galego e que chega á súa 35 edición.
Fonte: Faro de Vigo
Subscríbase ao boletín
