Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Cultura, Educación e Ordenación Universitaria, Román Rodríguez, deulle o pistoletazo de saída á III edición da Carreira Camiño das Letras, coa que se conmemora o Día das Letras Galegas a través do deporte e da posta en valor do Camiño de Santiago.
Fonte: O Portal da Lingua Galega
O Centro Galego de Artes da Imaxe (CGAI-Filmoteca de Galicia) da Consellería de Cultura, Educación e Ordenación Universitaria conmemora o Día das Letras Galegas cunha programación especial dedicada tanto á figura de Manuel María, o autor homenaxeado este ano, como ao centenario da primeira asemblea das Irmandades da Fala.
Fonte: O Portal da Lingua Galega
Unha nova aplicación permite aos falantes de máis de 100 pobos indíxenas de Australia, Canadá, EUA e Nova Zelandia escribir mensaxes en liña nas súas linguas orixinarias. Esta nova ferramenta permitirá revitalizar o uso social destes idiomas.
Fonte: CBC
O secretario xeral de Política Lingüística, Valentín García, participou en Valencia no I Seminario de Direccións Xerais de Política Lingüística promovido pola Dirección Xeral de Política Lingüística e Xestión do Multilingüismo (DGPLGM) da Generalitat Valenciana no marco do congreso “Aposta polo Multilingüismo. 15 anos do Marco Europeo Común de Referencia e do Portfolio Europeo das Linguas”
Unha empresa emerxente dos EUA lanzou un aparello auditivo que permite traducir en tempo real conversas de interlocutores que falen linguas diferentes.
Fonte: News Discovery
O secretario xeral de Política Lingüística, Valentín García, visitou o Centro de Estudos Galegos da Universidade de Salamanca acompañado da subdirectora xeral de Política Lingüística, María A. Antón, para manter un encontro de coordinación cos seus responsables.
Fonte: O Portal da Lingua Galega
A secretaria xeral de Medios, Mar Sánchez Sierra, o secretario xeral de Cultura, Anxo Lorenzo, e o delegado da Xunta de Galicia na Coruña, Diego Calvo, participaron no acto de presentación do libro Manuel María. Palabra viva de amor e afirmación.
Fonte: O Portal da Lingua Galega
A Obra Cultural Balear organizou un acto de apoio á lingua catalá no que reclamou a posta en marcha de medidas que aumenten a súa presenza no día a día.
Fonte: Cadena Ser
A marcha, convocada pola plataforma Queremos Galego, serviu para reivindicar o legado de Manuel María e das Irmandades da Fala, así como o dereito a vivir en lingua galega.
Fonte: Galicia Confidencial
Os fogares españois abonados a Movistar+ poderán decidir entre ver o contido en versión orixinal ou seleccionar entre subtítulos para persoas xordas, en castelán, en éuscaro ou en catalán.
Fonte: El Correo
Subscríbase ao boletín
