Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Un encontro na Universidade Nacional Timor Lorosa'e, en Dili (Timor Leste), debaterá a difusión e desenvolvemento das ciencias en lingua portuguesa con máis de 150 institucións de ensino superior da Comunidade de Países de Lingua Portuguesa (CPLP).
Fonte: RTP Notícias
Un estudo elaborado polo Instituto de Estudos da Linguaxe da Universidade Estatal de Campinas revelou que as 181 linguas indíxenas existentes actualmente no Brasil están en perigo de desaparición.
Fonte: EBC
A Comisión de Seguimento de Validacións de Certificacións aconsella no seu informe orientar a revisión dos exames acreditativos e avaliar, principalmente, a capacidade comunicativa.
Fonte: El Mundo
Segundo un estudo sobre os hábitos de lectura e compra de libros en Cataluña, case o 90 % dos lectores le ocasionalmente títulos en catalán, pero só é a lingua máis habitual para un cuarto destes.
Fonte: El Periódico
O estudo 'Cine europeo en lenguas de naciones sin estado y pequeñas naciones' analiza os casos galego, finés e galés e constata a invisibilidade á que os somete o sistema de distribución e exhibición e tamén a falla de atención política.
Fonte: Galicia Confidencia
As axudas á investigación en lingua galega do ano 2016 van destinadas a teses de doutoramento, proxectos de fin de carreira e traballos de fin de grao e mestrado.
Fonte: Universidade da Coruña
A Consellería de Cultura, Educación e Ordenación Universitaria, a través da Secretaría Xeral de Política Lingüística, e mais a Escola Galega de Administración Pública (EGAP) veñen de convocar cinco novos cursos de formación en galego dirixidos a reforzar a capacitación lingüística do persoal ao servizo da Administración pública de Galicia.
Fonte: O Portal da Lingua Galega
A nova lei a prol da lingua maorí aprobada polo Parlamento de Nova Zelandia crea o organismo Te Matawai co obxectivo de liderar o proceso de recuperación da lingua.
Fonte: Natonalia
Un equipo de lingüistas leva sete anos publicando a sección "Palabra do Día" no dicionario en liña da lingua portuguesa Priberam.
Fonte: SapoTek
O proxecto, posto en marcha polo Servizo de Normalización Lingüística do Departamento de Cultura de Mallorca, busca dinamizar o uso da lingua catalá entre os concellos.
Fonte: La Vanguardia
Subscríbase ao boletín
