O secretario xeral da Lingua, Valentín García, presentou en Ames o concerto Basal, co que Ugía Pedreira achega o seu último traballo, e que se trata “dunha das propostas coas que colaboramos desde a Xunta de Galicia no marco da programación para celebrar durante todo o ano estas Letras Galegas vencelladas á nosa música tradicional”, apuntou.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de xuño de 2025
11 de xuño de 2025
O lingüista, escritor e tradutor Fernando Venâncio faleceu o 30 de maio en Mértola, Portugal, aos 80 anos. Foi un firme defensor da proximidade entre o galego e o portugués, autor de obras como Assim nasceu uma língua e colaborador habitual na prensa cultural. A súa figura é clave na divulgación e análise da historia e identidade lingüística lusófona.
11 de xuño de 2025
O Consello de Europa publicou un informe no que insta Eslovenia a recoñecer oficialmente o serbio e o croata como linguas minoritarias. O documento alerta da escasa presenza destes idiomas no sistema educativo e nos medios de comunicación, e recomenda ao goberno abrir un diálogo coas comunidades afectadas, así como adoptar medidas de apoio, como a creación de programas bilingües.
Fonte: Balkan Insight
11 de xuño de 2025
Plataforma per la Llengua iniciou unha campaña para que os concellos cataláns envíen cartas aos seus municipios irmáns en varios países europeos para pedirlles apoio á oficialidade do catalán. A iniciativa busca sensibilizar os gobernos de Austria, Alemaña, Italia, República Checa, Suecia, Finlandia e Croacia e animalos a non poñer obstáculos á lingua.
11 de xuño de 2025
A CRTVG abriu unha nova convocatoria de contidos dixitais cun orzamento de até 357 000 euros, destinado á produción de 15 proxectos para as plataformas AGalega.gal e Xabarin.gal. A convocatoria está dividida en cinco categorías: ficción, entretemento, divulgación, infantil e videopodcast, e todos os proxectos deben estar realizados en galego.
11 de xuño de 2025
O Consello de Goberno aprobou un acordo de xestión entre a Academia Vasca de Policía e Emerxencias e o Instituto de Alfabetización e Reeuscaldunización de Adultos (HABE) para ofrecer formación en éuscaro ao persoal da Ertzaintza e ao alumnado do curso de ingreso para a Categoría de Axente. O acordo, cun orzamento de 1,1 millóns de euros para 2025, prevé a impartición de cursos en varios centros, ademais do seguimento e avaliación das persoas participantes.
11 de xuño de 2025
O presidente da Xunta, Alfonso Rueda, mantivo esta tarde a súa primeira reunión co novo presidente da Real Academia Galega (RAG), Henrique Monteagudo, unha xuntanza que permitiu reforzar a cooperación entre as dúas entidades para prestixiar a lingua e impulsar o seu uso social.
Fonte: O Portal da Lingua Galega
11 de xuño de 2025
O secretario xeral da Lingua, Valentín García, recibiu hoxe no pazo de San Roque a 14 alumnos, estudantes de galego, do instituto Cañada Blanch de Londres que veñen de percorrer Galicia durante esta semana, acompañados por dous docentes. A visita enmárcase na iniciativa Viaxe da Lingua, posta en marcha pola Xunta a través das secretarías xerais da Lingua e da Emigración.
11 de xuño de 2025
Máis de 300 escolares de primeiro e segundo de Educación Secundaria participaron na Cidade da Cultura, en Santiago de Compostela, na gala de clausura da primeira edición do programa radiofónico “Fala que fala”, organizado por Radio Líder co apoio da Xunta “contribuíndo a incentivar a rapazada a incrementar o uso do galego nos seus espazos creativos e de lecer”, segundo o puxo en valor na súa intervención o secretario xeral da Lingua, Valentín García.
10 de xuño de 2025
O deputado do Parlamento de Letonia, Aleksey Roslikov, foi expedientado por empregar a lingua rusa no transcurso dunha sesión parlamentaria. No seu discurso, quixo defender os dereitos da comunidade rusófona do país báltico.
Fonte: Mezha
Boletín
Subscríbase ao boletín
