Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Vocabulario panlatino de sistemas de transporte intelixentes compila 267 termos relacionados co ámbito dos transportes, coas súas equivalencias en sete linguas (galego, castelán, catalán, francés, inglés, italiano e portugués). A Oficina Quebequesa da Lingua Francesa e a Rede Panlatina de Terminoloxía (Realiter) foron os encargados da realización deste traballo terminolóxico.
Fonte: Consello da Cultura Galega
O portal económico Bolsamanía lanza unha nova edición en catalán co obxectivo de chegar a máis xente e dar un servizo máis completo.
Fonte: Bolsamanía
O secretario xeral de Política Lingüística, Valentín García, asistiu á entrega do premio de poesía Eusebio Lorenzo Baleirón, que na súa XXVIII edición recaeu en Xerardo Quintiá pola súa obra Fornelos&Fornelos, Segunda Fundación.
Fonte: Xunta de Galicia
Ao Curso de Extensión Cultural para alumnado estranxeiro, organizado pola Área de Normalización Lingüística, acudiron vinte mozos e mozas de lugares como México, Alemaña, China ou Corea.
Fonte: Universidade de Vigo
O Concello de Mondoñedo acolleu a entrega de premios do XVI Certame de Poesía Díaz Jácome para novos creadores, un acto que contou coa presenza do secretario xeral de Política Lingüística, Valentín García.
Fonte: Xunta de Galicia
A BBC está avaliando aplicar unha tecnoloxía de voz que permita traducir noticias de televisión do inglés ao xaponés e ao ruso.
Fonte: Arstechnica
A televisión pública de Mozambique (TVM) continúa a súa expansión nas diferentes provincias do país africano e desexa ampliar a súa programación en diferentes linguas nativas.
Fonte: Next TV News
O Ministerio de Medio Ambiente de Angola publica o Manual do Activista Ambiental que incluirá información en tres das principais linguas nacionais do país: kimbundu, umbundu e kikongo.
Fonte: Agência Angola Press
O aeroporto internacional xaponés de Toquio comezará a probar un megáfono que permite traducir simultaneamente mensaxes do xaponés a inglés, chinés e coreano.
Fonte: Notícias ao Minuto
O Concello de Alacant reforzará en 2016 os recursos humanos e técnicos da súa Oficina de Promoción Lingüística.
Fonte: La Vanguardia
Subscríbase ao boletín
