Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Resolveuse a convocatoria de axudas para o libro galego, tanto no que se refire á tradución para outras linguas de obras publicadas orixinariamente en galego como á tradución para o galego de obras publicadas orixinariamente noutras linguas.
Fonte: Consello da Cultura Galega
O Concello de Betanzos envioulle ao empresario unha orde de derrubamento redactada en lingua galega. El rexeitouna e solicitou que lla remitisen en castelán alegando descoñecer certa terminoloxía.
Fonte: La Voz de Galicia
As 66 produtoras que existen no País Vasco só rodan unha media de dúas películas en éuscaro ao ano dun total de dez que se adoitan producir.
Fonte: El Correo
Diferentes análises, como a elaborada polo xornal estadounidense The Washington Post ou a do British Council, revelaron cales serán as linguas máis dominantes do futuro, tendo en conta a evolución dos mercados e o peso demográfico dos seus falantes.
Fonte: Jornal de Notícias
Un informe da Unión Internacional de Telecomunicacións (ITU, polas súas siglas en inglés) revelou que só un 5 % das linguas máis minoritarias ou menos influentes do mundo está presente en internet.
Fonte: Rue89
Estes cerca de 250 novos termos pertencen, entre outros, aos ámbitos da agricultura, a alimentación, a botánica, o circo, a economía, o deporte, a industria, a música ou os transportes.
Fonte: Generalitat de Catalunya
Baixo o nome de Euskaragileak, un grupo de compañías organizouse para fortalecer a rede de empresas que desexan traballar e vender en éuscaro.
Fonte: Noticias de Gipuzkoa
"Loreak", rodada en éuscaro integramente, representará a España na carreira para conseguir o Óscar á Mellor Película de Fala non Inglesa.
Fonte: Deia
A versión en galego de O papiro do César publicarase nunha coedición entre Salvat-Bruño e Edicións Xerais.
Fonte: Consello da Cultura Galega
A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, deu a coñecer na Coruña o ditame do xurado da IX edición do Premio de Narrativa Breve Repsol, que recaeu no escritor Marcos S. Calveiro pola obra Fontán.
Fonte: Xunta de Galicia
Subscríbase ao boletín
