Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    06 de marzo de 2015
    O novo programa de desenvolvemento educativo de Angola prevé a avaliación da aprendizaxe das linguas nacionais

    O novo Plan Nacional de Desenvolvemento da Educación de Angola prevé a avaliación do nivel de aprendizaxe das linguas nacionais do país.

    Fonte: África 21

    06 de marzo de 2015
    A lingua cokwe inclúese no sistema educativo nacional de Angola

    A Dirección de Educación do Goberno de Angola anunciou a introdución da lingua nacional cokwe no sistema público de ensino.

    Fonte: ANGOP

    06 de marzo de 2015
    Un filme en irlandés gaña un premio no Festival de Cinema de Boston

    O filme de fala irlandesa An Bronntanas (O agasallo) recibiu o premio especial do xurado no Festival de Cinema de Boston (EUA).

    Fonte: RTÉ

    06 de marzo de 2015
    Reclaman que se volva poñer en marcha o Servizo de Normalización Lingüística no Concello de Mieres

    A asociación Iniciativa polo Asturiano reclámalle ao Concello de Mieres que volva poñer en marcha o Servizo de Normalización lingüística que interrompeu hai dous meses.

    Fonte: Infoasturies

    06 de marzo de 2015
    O Goberno valenciano outórgalle o premio de promoción do valenciano á asociación cultural Gaiata 14

    A Generalitat valenciana outorgoulle un premio de promoción do valenciano á asociación cultural Gaiata 14 por redactar nesta lingua os libretos das festas da Magdalena.

    Fonte: ABC

    06 de marzo de 2015
    Burela gaña a fase autonómica do certame radiofónico 'O galego na onda'

    A Consellería de Cultura, Educación e Ordenación Universitaria anunciou no web www.lingua.gal que o Concello de Burela resultou gañador da fase autonómica do certame radiofónico de dinamización lingüística “O galego na onda”.

    Fonte: Xunta de Galicia

    05 de marzo de 2015
    Un seminario organizado pola Universidade de Vigo advirte do risco de desaparición de case 200 linguas e dialectos europeos

    O profesor Xosé Henrique Costas ofreceu un relatorio en Ciencias da Educación e do Deporte co gallo do Día Internacional da Lingua Materna.

    Fonte: Universidade de Vigo

    05 de marzo de 2015
    O Instituto Cervantes e a Xunta reuniranse para que os cursos de galego se inclúan no Espazo de Linguas Ibéricas

    A negociación ten como finalidade que os cursos de lingua galega que se imparten na Casa de Galicia en Madrid se incorporen ao Espazo de Linguas Ibéricas do Instituto Cervantes.

    Fonte: Galicia Hoxe

    05 de marzo de 2015
    Conmemórase o aniversario do último discurso de Otero Pedrayo na Universidade de Santiago, o primeiro en galego nesta entidade

    Conmemorouse o 57 aniversario do discurso de despedida na Universidade de Santiago de Otero Pedrayo, unha intervención realizada por primeira vez en lingua galega na institución académica.

    Fonte: Galicia Hoxe

    05 de marzo de 2015
    O Departamento de Cultura de Cataluña publica en liña un documento para promover a lectura en catalán entre os adultos

    “Llegir per parlar, llegar per aprendre” é unha publicación en liña do Departamento de Cultura de Cataluña que busca promover a lectura en catalán entre a poboación adulta.

    Fonte: Generalitat de Cataluña

    Boletín

    Subscríbase ao boletín

    Logo Feder