O Instituto da Lingua Galega da Universidade de Santiago ofrece unha web interactiva coa clasificación e a evolución dos nomes máis populares para nenos e nenas nacidos en Galicia entre 2000 e 2013 elaborada a partir de datos do padrón sobre estatística de nacementos. Ademais, inclúese algunha información sobre as súas orixes etimolóxicas e o seu significado.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de decembro de 2014
19 de decembro de 2014
Comezou ás 22.00 horas do mércores 17 de decembro e antes das 12 xa era trending topic en Twitter. A campaña impulsada polos Comités Abertos baixo o hastag #EuEnGalego foi todo un éxito e mantívose nos primeiros postos ata ben entrada a madrugada do xoves 18.
Fonte: Galicia Confidencial
19 de decembro de 2014
O Museo da Lingua Portuguesa, en São Paulo, inaugurou unha exposición en homenaxe a Agustina Bessa-Luís, con 20 paneis ilustrados con textos e fotografías, sobre a vida e a obra da escritora. O director do museo, António Carlos Sartini, declarou que a mostra, organizada polo propio museo, o Instituto Camões e o Consulado Xeral de Portugal en São Paulo, é unha oportunidade para que os brasileiros coñezan a autora, que non é moi lida no Brasil.
19 de decembro de 2014
No Mercado Vermello, o máis emblemático de Macau, a lingua chinesa é a raíña, mais aínda hai quen recorre ao portugués para atraer clientes. Hai máis de 30 anos que a vendedora Ana Wong ten o seu negocio no mercado, un dos máis antigos da cidade e o único clasificado como patrimonio cultural de Macau. O seu portugués, que hoxe non vai alén dos nomes dos legumes e dos prezos, aprendeuno en clases nocturnas, que frecuentou antes da transferencia administrativa da cidade. Antes de 1999, os clientes que dominaban o idioma eran "moitos", mais agora son só "dous ou tres".
19 de decembro de 2014
Dúas das propostas de Nadal en Rede, o programa de dinamización lingüística posto en marcha por terceiro ano consecutivo pola Rede de Dinamización Lingüística (RDL) da Xunta de Galicia para promover a celebración do Nadal en galego, chegará á capital de Galicia a vindeira semana da man da Consellería de Cultura, Educación e Ordenación Universitaria.
Fonte: Xunta de Galicia
19 de decembro de 2014
A Consellería de Cultura, Educación e Ordenación Universitaria rendeulle homenaxe en Silleda (Pontevedra) ao escritor, activista cultural e galeguista Ramón de Valenzuela no centenario do seu nacemento.
Fonte: Xunta de Galicia
18 de decembro de 2014
A Concellería de Cultura do Concello da Coruña, a través do Servizo de Normalización Lingüística, organiza Musicando no Nadal, un programa de concertos en galego para público familiar con nenas e nenos a partir de 4 anos.
Fonte: Consello da Cultura Galega
18 de decembro de 2014
Lectorados e cátedras de estudos galegos por todo o mundo espallan a cultura e a lingua de Galicia entre universitarios que ás veces complementan os seus estudos cos das outras linguas do Estado e o portugués.
Fonte: Consello da Cultura Galega
18 de decembro de 2014
A Comisión de Cultura do Congreso rexeitou a proposición non de lei que lle pedía ao Goberno solicitar á Real Academia da Lingua Española o recoñecemento da lingua asturiana no seu dicionario.
Fonte: ABC
18 de decembro de 2014
Acaba de facerse público o currículo aprobado para as ensinanzas de 0 a 3 anos en Asturias. O texto é, a xuízo de Iniciativa polo Asturiano, unha mostra de como a Administración asturiana fai todo o posible por expulsar a lingua asturiana do sistema educativo.
Fonte: Infoasturies
Boletín
Subscríbase ao boletín
