Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A app que recibiu o galardón vén da man de Álvaro Ordóñez, e permite integrar en dispositivos móbiles un teclado especificamente desenvolvido para escritura en idioma galego, que incorpora ademais un dicionario nesta lingua para facilitar a predición do texto.
Fonte: Código Cero
O proxecto de creación do Centro da Lingua Galesa de Llanelli, no sur de Gales, foi considerado polo ministro principal de Gales, Carwyn Jones, como primordial para a supervivencia do galés. O proxecto recibiu un apoio de diñeiro público que ascende a 70 000 libras esterlinas.
Fonte: Llanelli Star
O ministro de Sanidade do Goberno do País de Gales, Mark Drakeford, prometeu fomentar o uso da lingua galesa entre os médicos e dentistas e defende que os pacientes reciban servizos en lingua galesa antes de esperar que estes os soliciten de antemán.
Fonte: BBC
A tradución ao galego dun clásico da literatura medieval inglesa, Sir Gawain, acaba de converter o profesor e investigador da Facultade de Filoloxía e Tradución Jorge Luis Bueno no único español en gañar dúas veces o Premio Nacional da Asociación Española de Estudos Anglo-Norteamericanos, AEDEAN.
Fonte: Universidade de Vigo
O Instituto da Lingua Galega da Universidade de Santiago ofrece unha web interactiva coa clasificación e a evolución dos nomes máis populares para nenos e nenas nacidos en Galicia entre 2000 e 2013 elaborada a partir de datos do padrón sobre estatística de nacementos. Ademais, inclúese algunha información sobre as súas orixes etimolóxicas e o seu significado.
Comezou ás 22.00 horas do mércores 17 de decembro e antes das 12 xa era trending topic en Twitter. A campaña impulsada polos Comités Abertos baixo o hastag #EuEnGalego foi todo un éxito e mantívose nos primeiros postos ata ben entrada a madrugada do xoves 18.
Fonte: Galicia Confidencial
O Museo da Lingua Portuguesa, en São Paulo, inaugurou unha exposición en homenaxe a Agustina Bessa-Luís, con 20 paneis ilustrados con textos e fotografías, sobre a vida e a obra da escritora. O director do museo, António Carlos Sartini, declarou que a mostra, organizada polo propio museo, o Instituto Camões e o Consulado Xeral de Portugal en São Paulo, é unha oportunidade para que os brasileiros coñezan a autora, que non é moi lida no Brasil.
No Mercado Vermello, o máis emblemático de Macau, a lingua chinesa é a raíña, mais aínda hai quen recorre ao portugués para atraer clientes. Hai máis de 30 anos que a vendedora Ana Wong ten o seu negocio no mercado, un dos máis antigos da cidade e o único clasificado como patrimonio cultural de Macau. O seu portugués, que hoxe non vai alén dos nomes dos legumes e dos prezos, aprendeuno en clases nocturnas, que frecuentou antes da transferencia administrativa da cidade. Antes de 1999, os clientes que dominaban o idioma eran "moitos", mais agora son só "dous ou tres".
Dúas das propostas de Nadal en Rede, o programa de dinamización lingüística posto en marcha por terceiro ano consecutivo pola Rede de Dinamización Lingüística (RDL) da Xunta de Galicia para promover a celebración do Nadal en galego, chegará á capital de Galicia a vindeira semana da man da Consellería de Cultura, Educación e Ordenación Universitaria.
Fonte: Xunta de Galicia
A Consellería de Cultura, Educación e Ordenación Universitaria rendeulle homenaxe en Silleda (Pontevedra) ao escritor, activista cultural e galeguista Ramón de Valenzuela no centenario do seu nacemento.
Fonte: Xunta de Galicia
Subscríbase ao boletín
