O Goberno catalán aprobou o decreto que regula os servizos de acollida dos inmigrantes, para o que os que o soliciten deben obter un certificado de 90 horas de catalán.
Fonte: E-notícies
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de novembro de 2014
24 de novembro de 2014
Canal + e o Goberno vasco subscribiron un convenio polo que a televisión lles ofrecerá aos seus abonados un mínimo de 100 filmes estranxeiros e 11 series en versión orixinal subtitulados en éuscaro ao ano ata 2016.
Fonte: El País
24 de novembro de 2014
A Xunta Xeral aprobou en sesión plenaria unha moción de Esquerda Unida que lle pide ao Principado que negocie co Goberno central “con todos os medios ao seu alcance” para que se inclúan nos decretos de primaria e secundaria a especialidade do asturiano “para normalizar e equipar os profesores de asturiano co resto do profesorado”.
Fonte: 20 minutos
21 de novembro de 2014
Un informe elaborado por unha axencia do Departamento de Educación do Goberno de Irlanda mostrou que os nenos nativos de irlandés teñen mellores competencias en inglés que en irlandés. Os investigadores do estudo analizaron as habilidades lingüísticas de 50 nenos, de idades comprendidas entre os 7 e os 12 anos, cuxa lingua materna era exclusivamente o irlandés.
Fonte: RTE
21 de novembro de 2014
Un asesor do comisario da Lingua Galesa reclamou a creación dun organismo independente que promova a lingua galesa e faga un seguimento das súas políticas.
Fonte: BBC
21 de novembro de 2014
Estudantes de universidades federais e dos estados brasileiros e de institutos federais do Brasil poderán optar por unha unha das 1500 prazas dun curso gratuíto en liña de lingua francesa do proxecto Francés sen Fronteiras. A iniciativa, ofertada polo Ministerio de Educación do Brasil, conta ademais co apoio da Embaixada de Francia no Brasil e a Alianza Francesa.
Fonte: Portal Brasil
21 de novembro de 2014
Os responsables de Ar Redadeg, a carreira bienal que se organiza na Bretaña para recadar fondos a favor da lingua bretoa, pechou a edición de 2014 cun balance positivo de 165 000 euros. Unha parte destes cartos (62 500) irá destinada a apoiar as escolas asociativas de inmersión en bretón (escolas Diwan) mentres que outros 62 500 servirán para financiar proxectos de teatro, ensino de bretón para adultos e lúdicos. Os 40 000 euros restantes destinaranse aos preparativos da carreira de 2016.
Fonte: Nationalia
21 de novembro de 2014
O Colexio de Avogados de Santiago acolle a VIII Xornada Xustiza e Lingua, reflexións para a normalización. No encontro pódense inscribir ata cen participantes e é gratuíto.
Fonte: El Correo Gallego
21 de novembro de 2014
O Instituto Cervantes e o Real Padroado sobre Discapacidade, a través do Centro de Normalización Lingüística da Lingua de Signos española, asinaron un convenio de colaboración que ten por obxectivo dar a coñecer a lingua de signos española e a súa cultura.
Fonte: Discapnet
20 de novembro de 2014
A Consellería de Cultura, Educación e Ordenación Universitaria presentou no concello coruñés da Laracha a exposición ‘Nimbos de luz’, coa que a Xunta de Galicia homenaxea a Xosé María Díaz Castro no ano en que a Real Academia Galega (RAG) lle dedica as Letras Galegas.
Fonte: Xunta de Galicia
Boletín
Subscríbase ao boletín
