Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno repartirá 387 600 euros entre os centros públicos que queiran levar a cabo proxectos trilingües ou plurilingües co éuscaro como “eixe” –en Primaria, Secundaria e Bacharelato durante dous anos. Pola súa parte, a rede concertada, que escolariza a outra metade do alumnado vasco, opta a algo mais de 1,3 millóns de euros para desenvolver estes plans e formar os seus docentes.
Fonte: El Mundo
O Tribunal Superior de Xustiza de Aragón suspendeu cautelarmente a inclusión do aragonés no currículo de Primaria, solicitada pola Fundación Gaspar Torrente que rexeita a imposición dunha ortografía diferente á que se viña ensinando historicamente.
Fonte: Heraldo
As produtoras de radiodifusión en gaélico de Escocia recibirán un millón de libras esterlinas adicionais do Goberno do Reino Unido para apoiar os servizos audiovisuais nesta lingua, anunciou o secretario de Facenda do Reino Unido, Danny Alexander.
Fonte: The Courier
Unha escola do sur de Finlandia está a punto de converterse na primeira do país en ensinar en finés e sueco. Actualmente os centros educativos finlandeses ensinan nunha das dúas linguas oficiais do país, finés ou sueco, e ofrecen o outro idioma como materia adicional.
Fonte: Uutiset
A Mesa pola Normalización Lingüística fixo público un novo caso de discriminación lingüística por parte da Administración Xeral do Estado, concretamente do Instituto Nacional de Estatística.
Fonte: Galicia Confidencial
O 62 % dos centros educativos galegos xa imparte varias materias en inglés, ademais da propia materia de lingua estranxeira.
Fonte: Faro de Vigo
O Servizo de Normalización Lingüística da Mancomunidade de Ordes promove a campaña de dinamización lingüística “E ti, a que xogas?”, que ten como obxectivo fomentar os usos e as actitudes favorables cara ao galego no ámbito do deporte, especialmente influente para a mocidade.
Fonte: Consello da Cultura Galega
O presidente da Asociación de Editores en Lingua Catalá, Albert Pèlach, deu a coñecer os datos dun estudo sobre o libro en España, no que se constata que en 2013 publicouse un 9 por cento máis de títulos en catalán, aínda que a tiraxe media baixou un 19,2 por cento con respecto a 2012.
Fonte: El Confidencial
O Goberno de San Sebastián decidiu dar carácter oficial á denominación en éuscaro de 295 rúas e prazas da capital guipuscoana, moitas delas contan xa con placas neste idioma, a pesar de que ata o momento non se tramitou o seu rexistro administrativo en lingua vasca.
Fonte: Diario Vasco
Cun discurso reivindicativo e ao mesmo tempo concienciador en defensa do galego, ao que "debemos rescatar de pleno dereito", ante unha situación de emerxencia, o escritor Manuel Rivas recibiu en Celanova o premio "Casa dos Poetas", no restaurado inmoble onde viviu Manuel Curros Enríquez, e agora sede da fundación que leva o seu nome.
Fonte: Faro de Vigo
Subscríbase ao boletín
