Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O engadido de calidade que supón ofrecer actividades no Camiño de Santiago foi decisivo para que a Universidade de Santiago de Compostela fose elixida entre máis de corenta propostas para ser a sede na que un centenar de estudantes brasileiros entre 16 e 19 anos participen nun proxecto de inmersión lingüística, emprendemento e liderado.
Fonte: La Voz de Galicia
Máis da metade da poboación mundial fala máis dun idioma. Para eles, Google actualizou Google Now, que agora permite falar en máis dun idioma sen necesidade de especificar lingua ou cambiar a configuración.
Fonte: Softonic
The Telegraph ou The Independent, entre outros, recollen o informe sobre educación secundaria que revela un significativo aumento do número de alumnos que estudan español en Reino Unido, fronte a un descenso do francés e o alemán.
Fonte: Radio Cable
A semana da lingua guaraní ten como obxectivo que ese idioma, oficial xunto ao español, se fale en todos os ámbitos da sociedade, especialmente nos menos habituais, como empresas e Administración pública, segundo informou a Secretaría de Políticas Lingüísticas.
Fonte: Última Hora
Un total de 21 entidades donostiarras sen ánimo de lucro repartiranse os 13 133 euros que o Concello de San Sebastián aprobou para o desenvolvemento de proxectos de fomento do éuscaro. Trátase de iniciativas que se organizan para completar e desenvolver o Plan xeral do éuscaro, informou o consistorio donostiarra nun comunicado.
Fonte: Diario Vasco
Unha nova edición do Eurobarómetro sitúa a España como o segundo país co nivel de inglés máis baixo da rexión, só por detrás de Hungría. De acordo co estudo, só un 22 % dos españois maiores de 18 anos domina a lingua e un 7 % asegura ter un nivel avanzado.
Fonte: Universia
O Senado Federal propuxo novos cambios na lingua portuguesa. O proxecto inclúe, entre outras modificacións, a eliminación da letra "h" no inicio das palabras e da letra "u" en "queijo", por exemplo, ademais da substitución do "ch" por "x".
Fonte: O Povo
O Ministerio de Educación mozambicano pretende aumentar a carga horaria das clases de lingua portuguesa no primeiro ciclo de Primaria, como parte da promoción da calidade de ensino no país.
Fonte: Sapo Notícias
A localidade coruñesa de Cabana de Bergantiños acollerá o concerto de fados “Os sons do vento que pasa”, incluído no FalaRedes 2014, o programa de fomento do galego promovido pola Consellería de Cultura, Educación e Ordenación Universitaria, a través da Secretaría Xeral de Política Lingüística.
Fonte: Xunta de Galicia
Con motivo da publicación dun informe nacional sobre o estado das linguas aborixe realizado polo Ministerio de Asuntos Aborixes, o ministro Mayaw Dongi mostrou a súa preocupación fronte ao declive destas linguas.
Fonte: Taiwan Info
Subscríbase ao boletín
