O coñecemento da lingua francesa polos estudantes flamengos no primeiro ano da universidade non foi nunca tan malo.
Fonte: RTL
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de agosto de 2014
O árabe e o romanés son os idiomas máis demandados durante o primeiro semestre deste ano no servizo de teletradución, instalado pola Secretaría Xeral da Igualdade en máis de 70 entidades de atención ás mulleres e ás vítimas de violencia de xénero.
Fonte: Xunta de Galicia
21 de agosto de 2014
O departamento de éuscaro mantén en marcha o concurso de postais de verán. O obxectivo do certame é animar os e as emutarras a que utilicen o éuscaro nas comunicacións informais. Os que desexen participar han de enviar unha postal escrita en éuscaro desde os seus lugares de veraneo.
Fonte: Diario Vasco
21 de agosto de 2014
O Concello de San Sebastián presentou unha nova páxina web dedicada ao éuscaro na que os cidadáns poderán atopar información sobre actos, actividades e servizos ofrecidos en lingua vasca tanto pola Administración como por axentes ou movementos populares.
Fonte: El Mundo
21 de agosto de 2014
O Servizo Valenciano de Emprego (Servef) incluíu cursos de chinés e ruso no Programa de Formación de 2014 ante o auxe do turismo e do comercio con estes países, que fai prever a curto prazo necesidades de persoal cualificado nestas linguas.
Fonte: Levante-emv
21 de agosto de 2014
A Deputación da Coruña fixo público que 610 novelas pelexarán por facerse coa vixésimo sexta edición do Premio de Narrativa Torrente Ballester. As novelas recibíronse de países de todo o mundo, desde Costa Rica ou Venezuela, ata Canadá, Bélxica ou Israel. De todas esas propostas, só un 7 %, unhas 49, están escritas en galego.
Fonte: Culturagalega.org
20 de agosto de 2014
O catedrático de Lingüística Románica Martin Hasse, tras una investigación realizada en Gascuña, sostén que o vasco non foi unha lingua que permaneceu illada e sen influencia das linguas latinas, senón que recibiu considerables achegas do gascón, un conxunto de variedades lingüísticas galorrománicas, consideradas un dialecto occitano e que se utilizaban no que actualmente sería o sur de Francia e en dirección norte ata Bordeos.
Fonte: El Mundo
20 de agosto de 2014
Trinta novas marcas do sector agroalimentario incorporáronse á Irmandade Galega de Agroalimentarios e Adegueiros (IGARDI), sección do Foro Enrique Peinador. A iniciativa vai apoiada cun anuncio publicitario para fomentar o consumo responsable e solidario coas marcas que etiquetan en lingua galega que será espallado a través das redes sociais.
Fonte: Mundiario
20 de agosto de 2014
Centenares de peruanos de distintas provincias onde se fala fluidamente o quechua deixan de expresarse na súa lingua de orixe cando migran a cidades como Arequipa para evitar ser maltratados.
Fonte: La República
20 de agosto de 2014
Centos de linguas e dialectos poden escoitarse en barrios densamente poboados por inmigrantes como Brooklyn e Queens. Un percorrido pola avenida Roosevelt ilustra o colosal mosaico étnico.
Fonte: Televisa
Boletín
Subscríbase ao boletín
