Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A páxina web de Portugalete unicamente reflicte as bases dos concursos que se celebrarán durante as festas de San Roque en castelán. O PNV denunciou este xesto, “que amosa o escaso e nulo interese do equipo da Alcaldía pola utilización e promoción do éuscaro, e anunciou que levará a pleno esta situación”.
Fonte: Deia
Uns 30 000 universitarios utilizan a aplicación móbil da Secretaría de Universidades e Investigación da Generalitat para facilitar guías de conversa universitaria aos estudantes en nove idiomas.
Fonte: Europa Press
A elevada dispersión do hábitat galego provoca que só na comunidade se contabilicen case 30 000 entidades de poboación, practicamente a metade de todas as rexistradas en España. Por iso non resulta estraño que tamén os topónimos que máis se repiten ao longo de toda a xeografía sexan galegos e estean escritos no idioma de Rosalía. Ata o punto de que a estatística fai que de media cada municipio galego conte con dous lugares chamados A Igrexa.
A música non é só un pasatempo entretido, senón unha fonte que pode achegar un notable desenvolvemento nas capacidades dos nenos para ler ou falar linguas estranxeiras. Así o demostra unha nova investigación levada a cabo por científicos estadounidenses na que participaron centos de nenos.
Fonte: HispanTV
No Perú son necesarios máis de 21 000 mestres con dominio de linguas indíxenas para atender un millón de escolares cuxa lingua materna non é o español, informou o goberno.
Fonte: Panorama
O presidente de Euskaltzaindia, Andrés Urrutia, aprecia, despois de mais de 30 anos de proceso de normalización do éuscaro, que a lingua vasca perde terreo no ámbito da transmisión familiar e gáñao no da transmisión formal a través da educación.
Fonte: Deia
O Diario Oficial de Galicia publica as resolucións polas que se adxudican as prazas nos centros de estudos galegos das universidades de Estremadura, Deusto, Barcelona, Complutense de Madrid e Granada en España; Cork en Irlanda; O Algarve e O Miño en Portugal e mais Padua e Roma «La Sapienza» en Italia.
Fonte: Xunta de Galicia
O proxecto europeo "Bazaar" permitirá que adultos inmigrantes poidan aprender portugués no Mercado de Fusão en Lisboa. "O noso obxectivo principal é proporcionar un primeiro contacto coa lingua e desenvolver o gusto pola aprendizaxe do portugués", así como "a comprensión da necesidade de aprender a lingua como factor de comunicación e integración social", afirmou á axencia Lusa o coordinador do proxecto en Portugal.
Fonte: Notícias ao Minuto
Con motivo dun curso de formación que se está a desenvolver na cidade india de Dharamsala, o primeiro ministro do Goberno tibetano no exilio, Lobsang Sangay, animou os funcionarios públicos a melloraren os seus coñecementos lingüísticos.
Fonte: The Tibet Post
A Consellería de Educación sacou a concurso o servizo de intérpretes de lingua de signos para os alumnos con discapacidade auditiva matriculados en Asturias para os próximos dous anos, coa posibilidade de prorrogarse outros dous. Porén, as bases nin garanten a atención de todos os estudantes nin tampouco unhas condicións laborais mínimas para os intérpretes.
Fonte: Asturias 24
Subscríbase ao boletín
