O romanés é a lingua materna da maioría dos residentes estranxeiros en Italia. Estímase que un total de 800 000 persoas falan esta lingua como idioma materno, o que constitúe un 21,9 % da poboación estranxeira.
Fonte: Balkans
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de agosto de 2014
O presidente da asociación Amical Wikimedia, Arnau Duran, asegurou que o catalán é a decimo sétima lingua máis falada da Wikipedia, que ten actualmente 450 000 artigos en catalán.
Fonte: La Vanguardia
04 de agosto de 2014
Denuncian o moi precario equilibro existente entre as dúas linguas oficiais da Comunidade Valenciana
Sen medios de comunicación de titularidade pública en valenciano, advirte a Academia Valenciana da Lingua, o “moi precario” equilibrio entre os dous idiomas oficiais pode acelerarse de forma “irreversible”, e causar “danos graves para a recuperación e vixencia do valenciano como unha lingua absolutamente normal para toda clase de usos sociais”.
Fonte: El País
04 de agosto de 2014
O 69,6 % dos alumnos galegos de Educación Secundaria Obrigatoria (ESO) está a estudar un segundo idioma estranxeiro, segundo a última estatística sobre o ensino de linguas estranxeiras do Ministerio de Educación.
Fonte: El Correo Gallego
04 de agosto de 2014
LibreOffice é unha magnífica alternativa ás suites ofimáticas privadas, que ten todo o que pode precisar o usuario medio ou avanzado e ademais é software libre. Por se fose pouco, todas as súas versións están en galego, mesmo a máis recente: a versión 4.3.
Fonte: Código Cero
03 de agosto de 2014
A televisión pública de Suecia informou de que o sueco é agora a segunda lingua máis empregada na Wikipedia, por detrás do inglés.
Fonte: The Local
03 de agosto de 2014
Un grupo editorial chinés fundou a Academia Chinesa da Tradución que aspira a converterse na principal plataforma de investigación de China para os estudosos e os profesionais da tradución, tanto no país asiático como no estranxeiro. O obxectivo é abrir a cultura chinesa ao mundo por medio da tradución.
Fonte: Ecns
02 de agosto de 2014
Malia as iniciativas no País de Gales que animan as persoas que falan galés a empregaren esta lingua nas novas tecnoloxías, un estudo realizado pola empresa Mentrau Iaith Cymru mostrou que un cuarto de todos os falantes de galés cambian ao inglés cando utilizan as redes sociais.
Fonte: Wales Online
02 de agosto de 2014
O MossaLingua, unha nova aplicación do ámbito lingüístico, consolidada no mercado europeo, chega agora ao Brasil co fin de facilitar a aprendizaxe de cinco linguas (inglés, español, francés, italiano e alemán) en terminais de iOS e Android.
Fonte: TecMundo
01 de agosto de 2014
Un total de cinco localidades arabesas van proxectar durante o mes de agosto estreas de cine en éuscaro ao aire libre dentro do ciclo “Zinemairean”, organizado pola Deputación coa colaboración económica de Caixa Laboral.
Fonte: ABC
Boletín
Subscríbase ao boletín
