Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria promove durante todo novembro unha completa programación de actividades de divulgación científica en galego para convidar a cidadanía a festexar o Mes da Ciencia en Galego.
Fonte: Xunta de Galicia
Un 36,4 % da xuventude catalá de entre 15 e 30 anos utiliza o catalán como lingua habitual, respecto ao 31,5 % de 2008, o que supón un cambio de tendencia despois do “forte descenso” sufrido entre 2003 e 2008, destacou o conselleiro de Cultura da Generalitat, Ferran Mascarell, na presentación do Informe de Política Lingüística 2013.
Fonte: La Vanguardia
A Universidade Pablo de Olavide (UPO) de Sevilla asinou un convenio de colaboración co Real Padroado sobre Discapacidade, a través do Centro de Normalización Lingüística da Lingua de Signos Española, para fomentar a normalización e normativización da investigación da lingua de signos española nas aulas.
Fonte: La Información
A antiga ministra de Cultura de Portugal, Isabel Pires de Lima, defendeu en Macau que os países lusófonos deben cooperar no ensino da lingua portuguesa no estranxeiro e alentou a adoptar medidas produtivas para a promoción da lusofonía.
Un grupo de técnicos angolanos elaborará o Atlas Lingüístico de Angola, informou á axencia Lusa o director xeral do Instituto de Linguas Nacionais do país africano.
O Concello de Oleiros convoca o Premio Literario Descubrindo Oleiros, un certame dirixido a alumnos de quinto e sexto de Primaria e de ESO, empadroados no municipio. O obxectivo do concurso é promover a lingua galega e dar a coñecer o municipio.
Fonte: La Opinión
Fernando Cabeza Quiles é o autor do libro titulado A toponimia celta de Galicia, publicado pola editorial Toxosoutos de Noia na súa colección Serie Keltia. O volume, de máis de 500 páxinas e de recente aparición, trata sobre a toponimia galega, antiga e actual, de orixe celta, establecendo relacións e correspondencias con outros topónimos que tamén existen noutros países europeos onde viviron os celtas.
A conferencia de directores de instrución pública dos cantóns suízos determinou que todos "traballarán para unha solución intercantonal" co fin de favorecer o ensino de dúas linguas estranxeiras na educación primaria.
Fonte: RTS
O Brasil vai expandir o ensino oficial de idiomas alén do inglés e a oferta non se limitará só aos brasileiros. O Ministerio de Educación anunciará en breve o programa "Idiomas sen fronteiras" para axudar os académicos que desexen estudar no exterior e aprender outras linguas.
Fonte: ZH
Tras a acción dos manteis, o Servizo de Éuscaro do Concello de Gasteiz volve á carga esta vez da man da Deputación, Cafés La Brasileña e Artez, coa repartición de máis dun millón de sobres de azucre que levan impreso o lema Giro Onean (En bo ambiente).
Fonte: Noticias de Álava
Subscríbase ao boletín
