Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Cultura, Educación e Ordenación Universitaria, Xesús Vázquez Abad, acudiu ao acto que elixe os Xuíces Honorarios do Couto Mixto en recoñecemento ao traballo en prol da memoria histórica. No encontro salientou “o don especial que lles permitiu aos habitantes da comarca xestionar os seus propios destinos sabiamente e axustar os seus recursos ás súas necesidades”.
Fonte: Xunta de Galicia
Media centena de docentes participaron nun encontro en Caracas (Venezuela) no que decidiron fundar unha asociación co obxectivo de congregar os profesionais do sector. Segundo Sofia Saraiva, a nova asociación centrarase "na uniformización de criterios e na creación de pontes de comunicación para a certificación de profesores entre entidades venezolanas e portuguesas".
Fonte: Notícias ao Minuto
O Goberno de Luxemburgo considera o ensino do portugués un "valor engadido" e incluirá esta lingua no currículo académico a partir do próximo ano lectivo, anunciou o ministro portugués de Educación, Nuno Crato. O ministro de Educación de Luxemburgo subliñou a importancia da lingua materna para a aprendizaxe doutros idiomas e eloxiou os esforzos feitos por Portugal na organización dos cursos de lingua portuguesa para emigrantes portugueses no país.
A Dirección Xeral de Política Lingüística do Departamento de Cultura celebrou a xornada “C2. Como se mide a excelencia comunicativa?”. O obxectivo do acto foi a presentación do novo programa e certificado do nivel superior (C2) que acredita unha competencia lingüística alta en lingua catalá. O C2 diríxese a persoas que fan actividades de comunicación lingüística de complexidade, oral ou escrita, no ámbito laboral ou académico.
Durante o verán a asociación Banaiz Bagara continúa traballando cos seus grupos, neste caso, con actividades máis propias do período estival. Para este ano organizaron de novo paseos para practicar o éuscaro.
Fonte: Diario Vasco
Xosé Filgueira Valverde será o protagonista das Letras Galegas en 2015, segundo anunciou a Real Academia Galega na xuntanza ordinaria do seu pleno. Xela Arias, Ricardo Carvalho Calero, Celestino Fernández de la Vega e Manuel María eran os outros catro candidatos.
Fonte: Praza Pública
Ramón Villares, presidente do Consello da Cultura Galega (CCG), destacou a orixe das diferentes actividades preparadas para conmemorar os setenta anos da publicación de Sempre en Galiza de Afonso R. Castelao. O Consello da Cultura Galega, en colaboración coa Fundación Castelao, celebrou no Parlamento un acto institucional presidido por Alberto Núñez Feijóo, presidente da Xunta de Galicia, Pilar Rojo, presidenta do Parlamento de Galicia, Ramón Villares, presidente do CCG, e Carlos Mella, presidente da Fundación Castelao.
Segundo datos da Generalitat de 2013, das 248 241 sentenzas emitidas nos partidos xudiciais cataláns 217 543 foron en castelán e 30 698 en catalán, o que supón un 12,4 % do total. Só nas demarcacións de Xirona e Lleida se ditaron máis dun 30 % de sentenzas en catalán, mentres que en Tarragona e Terras do Ebro non chegaron ao 2 %.
Fonte: El Mundo
O Ministerio de Educación, Cultura e Deporte publicou os "Resultados Detallados das Estatísticas dos Ensinos non Universitarios do curso 2012-2013" referentes á "Aprendizaxe de linguas estranxeiras", que sitúa a Rexión de Murcia na cabeza en canto á aprendizaxe de linguas estranxeiras.
Fonte: 20 Minutos
O recinto feiral de Arzúa acollerá case doce horas de concertos, debates, gastronomía e actividades infantís, con especial protagonismo para a escola en galego Semente. Todo co obxectivo de reflexionar, divertirse e coñecerse ao redor das potencialidades e oportunidades que ofrece a lingua galega no seo da lusofonía.
Fonte: Praza Pública
Subscríbase ao boletín
