Iniciarse ou perfeccionar a fala do inglés, francés e italiano serán os obxectivos dos cursos que organiza a Escola Municipal de Idiomas do Concello de Ourense.
Fonte: La Voz de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
17 de setembro de 2014
17 de setembro de 2014
A Consellería de Cultura, Educación e Ordenación Universitaria, por medio do secretario xeral de Política Lingüística, Valentín García, presentou en Santiago de Compostela a obra de teatro infantil “As fabas máxicas”, que este domingo se poderá ver na capital galega no marco do programa de dinamización lingüística FalaRedes 2014.
Fonte: Xunta de Galicia
17 de setembro de 2014
Jordi Portabella, membro de Esquerra Republicana de Cataluña, preguntoulle ao goberno do Concello de Barcelona cantas familias solicitaron ao Consorcio de Educación de Barcelona que os seus fillos sexan escolarizados en castelán e a porcentaxe que representan. O concelleiro de educación, Gerard Ardanuy, explicouno: 16 solicitudes sobre o total de 176 000 alumnos, un 0,009 %.
Fonte: La Vanguardia
17 de setembro de 2014
Co fin de ofrecer un punto de unión os mestres de aragonés que desenvolven a súa actividade docente no ensino regulado de Educación Infantil e Primaria creouse a asociación Mestres de Aragonés. Esta asociación pretende defender os dereitos laborais así como potenciar a mellora das condicións profesionais deste colectivo.
Fonte: Aragón Digital
16 de setembro de 2014
O Goberno federal de Australia lanzará un programa piloto de 9,8 millóns de dólares australianos para animar os nenos de catro anos a aprender francés, árabe, indonesio, xaponés ou chinés mandarín.
Fonte: News
16 de setembro de 2014
Tres escolas privadas de ensino primario ofrecerán a partir deste curso académico clases en lingua kurda nas provincias turcas de Diyarbakır, Şırnak e Hakkari.
Fonte: Today's Zaman
16 de setembro de 2014
O alumnado de calquera titulación de grao ou mestrado cun nivel de Celga 4 ou equivalente é o destinatario dun obradoiro que o Servizo de Normalización Lingüística organiza en outubro para mellorar o discurso oral nun nivel formal en galego.
16 de setembro de 2014
Nesta segunda fase, anterior á súa apertura definitiva, os solicitantes poderán encargar ou reservar o rexistro do seu dominio conforme a cinco categorías.
Fonte: Real Academia Galega
16 de setembro de 2014
O Concello de Barrika atópase en pleno proceso de creación do novo Plan de éuscaro que rexerá o tratamento da lingua na localidade. Para facer deste documento unha folla de ruta máis completa e próxima á cidadanía, o Consistorio quere recoller as sensacións e suxestións dos veciños do municipio.
Fonte: Deia
16 de setembro de 2014
Softcatalà presentou a versión 2.4 do catalanizador, unha ferramenta para simplificar a catalanización de calquera sistema Microsoft Windows ou Mac OS X para que o usuario poida traballar en catalán. A tal efecto o programa aplica cambios de configuración, os paquetes de idioma e os correctores ortográficos necesarios. Desde a súa presentación en 2012, máis de 80 000 usuarios o utilizaron.
Boletín
Subscríbase ao boletín
