A campaña ‘Al vostre servei’ (Ao voso servizo) reforzará o uso da lingua catalá na atención ao público do sector da distribución comercial. A campaña ten como obxectivo desenvolver accións de sensibilización dirixidas a profesionais que atenden o público para mellorar a calidade do servizo en catalán.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de maio de 2014
Parlamentarios galeses do Partido Laborista e do Partido de Gales demandaron o dereito a se expresaren en lingua galesa nos debates do Parlamento do Reino Unido que aborden temas relacionados co País de Gales.
Fonte: BBC
09 de maio de 2014
Investigadores e educadores procedentes de países de fala árabe defenderon, con motivo da terceira Conferencia Internacional sobre a Lingua Árabe celebrada en Dubai, a necesidade de redactar e aprobar leis que protexan esta lingua.
Fonte: Gulfnews
09 de maio de 2014
A Corporación de Medios Audiovisuais estrea na súa web o espazo “Bom dia”, que permite acceder a unha ampla oferta de contidos audiovisuais dos diferentes territorios de fala catalá que están dispoñibles en liña.
Fonte: Generalitat de Cataluña
09 de maio de 2014
A iniciativa, dirixida a alumnos e alumnas de 6º de Primaria e 1º e 2º da ESO, ten como obxectivo o fomento da práctica do inglés entre os participantes, que deberán empregar este idioma para desenvolverse en situacións de convivencia durante unha semana.
Fonte: Diario de Avisos
09 de maio de 2014
A oficina postal de Cabo Verde uniuse ás conmemoracións dos 800 anos da lingua portuguesa coa emisión dun selo conmemorativo da efeméride con motivo do Día da Lingua Portuguesa e da Cultura na Comunidade de Países de Lingua Portuguesa (CPLP). As actividades conmemorativas do oitavo centenario da lingua común nos oito países da CPLP (Angola, Brasil, Cabo Verde, Guinea-Bisau, Mozambique, Portugal, San Tomé e Príncipe e Timor Leste) terán lugar ata xuño de 2015, co obxectivo principal de reafirmar a importancia da lingua portuguesa no mundo.
09 de maio de 2014
O feito de que os estados lusófonos non ratificaran o Acordo Ortográfico non reduce o poder do portugués como lingua internacional, mesmo se é desexable que haxa un entendemento entre todos os países en relación con este tema, declarou un investigador do instituto portugués de investigación ISCTE.
Fonte: Público
09 de maio de 2014
O Concello de Silleda, en colaboración co IES Pintor Colmeiro, a asociación Empresarios e Comerciantes de Silleda (ECOS) e a Secretaría Xeral de Política Lingüística, presenta a primeira edición do Premio Concello de Silleda á normalización lingüística nas empresas e comercios, co obxectivo de estimular o uso do galego no sector comercial e recoñecer o labor tanto das empresas cunha tradición recoñecida na normalización, como das que se incorporaron recentemente ás prácticas normalizadoras.
09 de maio de 2014
Entre cincuenta e sesenta quilos oscilaba o peso dun quintal, unha medida tradicional xa en desuso, que dende a Asociación Trabalingua recuperan para o concurso Quintal Literario, que convocan xunto coa Área de Normalización lingüística da Universidade de Vigo.
Fonte: Universidade de Vigo
09 de maio de 2014
A Consellería de Cultura, Educación e Ordenación Universitaria organizou no IES Manuel Padín Truiteiro, de Soutomaior, a terceira das sete conferencias sobre toponimia que se desenvolverán durante o Mes das Letras en diversos institutos galegos no marco do proxecto Dragal.
Fonte: Xunta de Galicia
Boletín
Subscríbase ao boletín
