Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Os novos estudantes que entren na Universidade de Barcelona o próximo curso non poderán escoller certas combinacións, dado que se decidiu limitar a oferta a catro idiomas maioritarios europeos e un en clara expansión: inglés, alemán, español, francés e ruso. Da oferta caen o italiano e o portugués, entre outros. Isto afecta tanto á carreira de Lingüística, como á de Linguas e Literaturas Modernas.
Fonte: El País
O candidado ao Parlamento Europea do partido irlandés Fianna Fáil, Thomas Byrne, declarou que a Unión Europea debe rematar a discriminación que a lingua irlandesa está a sufrir en Europa. Segundo as súas palabras, as sucesivas derogacións que a Unión Europea fixo do recoñecemento do irlandés como idioma oficial non obrigan a traducir a esta lingua todas as leis e documentos oficiais.
Fonte: The Irish Times
A lingua aragonesa vai gañando espazo nas aulas. Este curso, 456 nenos estudan a materia extraescolar de aragonés nunha vintena de localidades de Huesca (colexios, centros rurais agrupados e un instituto), segundo datos do Programa de Aragonés do Departamento de Educación.
Fonte: El Heraldo de Aragón
O IES de Becerreá vén de convocar o I Premio á Promoción da Lingua e a Cultura Galegas na Comarca dos Ancares. O obxectivo desta iniciativa é distinguir a persoas, colectivos ou entidades públicas e privadas que destaquen polo traballo en favor do idioma ou da cultura propias.
Fonte: El Progreso
A editorial Xerais tira do prelo Contra a morte das linguas. O caso do galego, unha nova achega á investigación sociolingüística desde a perspectiva da ecoloxía.
Fonte: Consello da Cultura Galega
O Equipo de Dinamización da Lingua Galega do CPI de Mondariz, en colaboración cos departamentos de Matemáticas e de Lingua Galega e Literatura, promove a elaboración dun estudo sobre o uso das linguas no sector servizos de Mondariz. Trátase dunha xornada de intercambio sociolingüístico entre o alumnado de 3º da ESO do IES de Salvaterra de Miño e o do CPI de Mondariz que ten como obxectivo que o alumnado reflexione sobre a situación sociolingüística do galego levando á práctica os seus coñecementos de estatística.
Na actualidade a lingua de signos só está presente nalgúns posgraos, mentres que nos estudos de grao só a Universidade Pompreu Fabra ten un en Tradución e Interpretación, cun itinerario en lingua de signos catalá, que é unha lingua máis. Ante esta situación, o Grupo de Investigación de Lingua Española e Linguas Signadas da Universidade de Vigo, Griles, está a impulsar un debate que ten como finalidade “a implantación dos estudos de lingua de signos española, LSE, no ámbito universitario”.
Entre 10 000 e 20 000 accidentes laborais teñen a súa orixe en problemas de tipo lingüístico nos Países Baixos, declarou a fundación do ámbito do traballo Stitching van de Arbeid. Ademais, declara que entre un 5 % e un 10 % deses accidentes están causados pola falta de coñecementos suficientes de neerlandés.
Fonte: Dutch News
O próximo día 5 de maio celébrase o Día da Lingua Portuguesa e da Cultura na Comunidade de Países de Lingua Portuguesa (CPLP). A Porto Editora publicará con motivo desta data unha edición actualizada do Dicionario Editora da Lingua Portuguesa.
Fonte: Diário Digital
O dominio .eus abriu o prazo de solicitudes para optar a un dos 90 “pioneiros” que serán os primeiros en ter direccións de internet co dominio do éuscaro.
Fonte: Efe Futuro
Subscríbase ao boletín
