O Correlingua percorrerá doce localidades galegas entre o 5 e o 16 de maio baixo o lema "Galego, o paso adiante" en diálogo aberto co escritor lugués homenaxeado este 2014, Xosé María Díaz Castro.
Fonte: Correlingua
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
29 de abril de 2014
29 de abril de 2014
As persoas que este ano elaboren e defendan a súa tese de doutoramento en lingua galega poderán solicitar ata o 31 de outubro as axudas que a Universidade de Santiago de Compostela (USC) convoca con ata 400 euros en forma de subvención directa para os gastos de fotocopiado e encadernación do traballo.
29 de abril de 2014
Falar e escribir unha lingua estranxeira e dominar as tecnoloxías son os novos requisitos que quere incluír o Ministerio de Educación nas oposicións a profesor. Os aspirantes deberán examinarse dunha proba de idioma estranxeiro oral e escrita e acreditar que teñen unha competencia dixital apropiada, independentemente do nivel da especialidade que impartan. Os idiomas e a tecnoloxía contarán máis que a experiencia docente.
29 de abril de 2014
A Universidade Pompeu Fabra publicou un estudo onde asegura que a lingua na que se formula un dilema ético intervén nas decisións morais que se adoptan. O informe, publicado na revista científica estadounidense en liña PloS ONE tamén sostén que o idioma inflúe na toma de decisións de carácter ético.
Fonte: El Periódico
28 de abril de 2014
A poetisa Graciela Huinao, da etnia huilliche-mapuche, quere converter a Academia da Lingua de Chile no seu próximo campo de batalla cultural e social. Tras ser designada membro correspondente da entidade reitora a respecto da defensa do idioma castelán no país, a escritora dixo que entende que a súa misión é tamén defender e promover a súa propia lingua, o mapuche ou mapudungun.
Fonte: Rotativo
28 de abril de 2014
A Asociación Comercial de Braga (Portugal), consciente do insuficiente domino das linguas estranxeiras dos profesionais do sector da restauración, lanzou un proxecto co que animan os restaurantes a presentaren os seus menús en linguas estranxeiras. Deste xeito, no ámbito deste proxecto, 36 restaurantes da rexión norte de Portugal ofrecen xa os seus menús en inglés, francés, español, alemán e portugués.
Fonte: Correio do Minho
28 de abril de 2014
A Rede de Dinamización Lingüística, liderada pola Consellería de Cultura e Educación e da que forman parte máis de 150 entidades locais, pon en marcha a súa programación anual con dous obradoiros dirixidos a adolescentes. Trátase de actividades interactivas, que promoven a participación en galego dos asistentes, así como a reflexión sobre a lingua e o rexeitamento dos prexuízos que poidan inhibir o seu uso.
Fonte: Xunta de Galicia
28 de abril de 2014
A Consellería de Educación, Cultura e Deporte convocou os premios literarios en lingua asturiana para 2014 nas categorías de novela, poesía ensaio, literatura infantil e cómic, galardóns que están dotados con 3000 euros e aos que poderán presentarse obras ata o 12 de setembro.
Fonte: Finanzas
28 de abril de 2014
Microsoft Office 365 para empresas está xa dispoñible en vasco, catalán e galego, dentro do seu obxectivo de “chegar ao máximo número de usuarios e adaptarse aos seus requirimentos na vida dixital, tanto doméstica como profesional”.
Fonte: Te Interesa
25 de abril de 2014
A oficina estatística de Finlandia publicou datos provisorios que mostran que os falantes dunha lingua diferente do finés, o sueco ou o saami constitúen o 5,4 por cento da poboación do país, lixeiramente superior ao 5,3 por cento dos falantes de sueco.
Fonte: Uutiset
Boletín
Subscríbase ao boletín
