Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A nova canle de televisión, El Punt Avui TV, comezou as súas emisións regulares. A canle televisiva actualmente cobre o 50 % do territorio xeográfico, pero se pode ver no 80 % do país e no futuro incrementará a cobertura.
Fonte: Generalitat de Cataluña
O obxectivo desta campaña é impulsar o uso do éuscaro nas relacións que as persoas teñen coa administración. Deste modo, ao realizar a declaración da renda en éuscaro, ademais de abrir novas vías ao idioma, tamén se promove a euscaldunización da administración.
Fonte: Diario Vasco
O presidente ruso, Vladimir Putin, aprobou modificacións lexislativas que facilitarán a concesión da cidadanía aos falantes de lingua rusa que vivan en ex-repúblicas soviéticas.
Fonte: Yahoo Notícias
As autoridades chinesas impediron no último momento a celebración dunha competición en lingua tradicional tibetana nunha localidade da provincia chinesa de Sichuan polas "implicacións políticas" que podería ter.
Fonte: Radio Free Asia
O Servizo de Normalización Lingüística da Universidade da Coruña, coa colaboración da Secretaría Xeral de Política Lingüística, organiza o VII Curso de Verán de Lingua e Cultura Galegas para Persoas Estranxeiras.
Fonte: Consello da Cultura Galega
O Departamento de Lingua Galega do Concello de Santiago organiza o II Concurso de proxectos de publicidade comercial en galego, co obxectivo de fomentar o uso do galego na comunicación comercial, asociar a lingua galega a proxectos de modernización e promover as empresas de ámbito local.
Fonte: Consello da Cultura Galega
O Departamento de Cultura organizou diversos actos en Tarragona con motivo da celebración de San Jordi. Entre as actividades, hainas destinadas á cidadanía en xeral, aos nenos e tamén ás persoas que se atopan e hospitais e residencias.
Fonte: Generalitat de Cataluña
Para todos os que anden á procura dunha alternativa libre e fiable a Windows, xa teñen dispoñible, e en galego, o Ubuntu 14.04 LTS.
Fonte: Código Cero
O Goberno do estado de Alasca (EUA) aprobou un proxecto de lei que recoñece simbolicamente 20 linguas nativas como idiomas oficiais do estado.
Fonte: Newsminer
Un informe elaborado por unha organización empresarial de Noruega mostra que as empresas norueguesas demandan tres veces máis solicitantes de traballo con coñecementos en alemán que aqueles que dominan outras linguas máis populares como o español. En Noruega, o español é a quinta lingua máis demandada polo sector empresarial, por detrás do inglés, o alemán, o polonés e o francés.
Fonte: The Foreigner
Subscríbase ao boletín
