O comité permanente de xustiza da Asemblea Nacional de Paquistán rexeitou por maioría unha lei que buscaba garantir o status de lingua nacional para os idiomas rexionais.
Fonte: Dawn
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de xullo de 2014
17 de xullo de 2014
No acto institucional promovido pola Fundación Rosalía de Castro, o secretario xeral de Cultura referiuse á escritora como “un ben central da nosa cultura” e recordou que “moito do que hoxe somos llo debemos ao que ela nos anticipou”.
Fonte: Xunta de Galicia
17 de xullo de 2014
A Consellería de Cultura, Educación e Ordenación Universitaria programa para o vindeiro sábado 19 de xullo unha tarde de teatro e circo para toda a familia en Santiago de Compostela, que inclúe dúas sesións de lecer para facer gozar os máis novos a través das artes escénicas.
Fonte: Xunta de Galicia
17 de xullo de 2014
A xincana lingüística "Augalingua", o concurso infantil "Os Bolechas e o Sabichón" e o concerto de fados "Os sons do vento que pasa" visitan esta semana as localidades de Vedra, Cerdedo, Abegondo, Cotobade, Rois, Outeiro de Rei, Castro de Rei, Moaña e Bueu.
Fonte: Xunta de Galicia
17 de xullo de 2014
Na etapa de infantil, o 47,6 % dos grupos teñen o galego como lingua predominante, mentres que en primaria o peso da nosa lingua propia ascende ao 50,9 % do horario escolar. Cómpre lembrar que, malia a haber unha lingua predominante, a introdución da outra lingua cooficial en infantil queda garantida.
Fonte: Xunta de Galicia
17 de xullo de 2014
A Secretaría Xeral de Política Lingüística da Consellería de Cultura, Educación e Ordenación Universitaria publicou no Diario Oficial de Galicia a Resolución do 7 de xullo de 2014 pola que se conceden subvencións ás entidades locais de Galicia para a promoción do uso da lingua galega, ao abeiro da convocatoria regulada na Orde do 14 de abril de 2014.
Fonte: Xunta de Galicia
17 de xullo de 2014
A Comisión de Normalización Lingüística da Facultade de Filoloxía da Universidade da Coruña (UDC), en colaboración co Servizo de Normalización Lingüística, convoca o VI Premio de Tradución ao Galego de Textos Científico-Técnicos co obxectivo de contribuír á dinamización, difusión e uso da lingua galega no ámbito científico.
Fonte: Consello da Cultura Galega
17 de xullo de 2014
O Centro de Linguas da Universidade de Vigo ten xa a matrícula aberta para os cursos intensivos do mes de setembro, seis propostas formativas nas que se inclúen catro cursos de inglés, un de alemán e outro de portugués que se impartirán do 8 ao 19 de setembro na Facultade de Filoloxía e Tradución, agás o de portugués, que como é habitual se impartirá no Instituto Camões.
Fonte: Universidade de Vigo
17 de xullo de 2014
O Goberno vasco e o Organismo Público da Lingua Vasca reuniron un fondo de cooperación de 1.600.000 euros, dos que 400 000 foron achegados polo executivo autonómico, para axudar economicamente a proxectos de fomento do éuscaro en Iparralde.
Fonte: Deia
16 de xullo de 2014
A Consellería de Cultura, Educación e Ordenación Universitaria acaba de ampliar o portal web da literatura galega en inglés con cinco novos escritores e escritoras. Co obxectivo de seguir promovendo a proxección internacional das letras galegas a través da rede, o departamento que dirixe Xesús Vázquez Abad incorporou ao Portico of Galician Literature (www.galicianliterature.com) unha mostra en inglés de obras de Diego Ameixeiras, de Rosa Aneiros, de Elena Gallego Abad, de Xavier Queipo e de Anxos Sumai.
Boletín
Subscríbase ao boletín
