Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Concello de Ourense celebrará a Festa da Lingua cun programa de actividades que incluirá propostas vinculadas ao mundo da maxia, á ilustración, ao cine e aos xogos populares. O programa da festa, que busca promover o uso do galego, foi presentado no Concello de Ourense pola concelleira de Cultura e Educación, Ana Garrido.
Fonte: La Voz de Galicia
A Universidade de Santiago informou da adaptación ao galego dunha suite de ferramentas informáticas para facilitar a análise econométrica escrita na linguaxe de programación C.
Fonte: Código Cero
O 44,6 % dos alumnos de Cataluña acaba a ESO sen apenas saber escribir en inglés. Así se recolle na última avaliación externa que fai a Generalitat para coñecer a evolución do alumnado de 4º da ESO e o funcionamento de sistema.
Fonte: Te Interesa
O Concello de Eibar disporá a partir de agora dunha comisión asesora específica de éuscaro de forma que todos os temas relacionados coa lingua quedarán desligados do departamento de Cultura, área á que estaba adscrito ata agora, para pasar a ter un tratamento propio na nova comisión. Con esta decisión, o equipo de goberno pretende dar un novo impulso á promoción do éuscaro.
Fonte: El Correo
Nos últimos anos, produciuse na República Checa un incremento do número de anuncios publicitarios en linguas estranxeiras como o ruso ou o inglés. Na actualidade, algúns parlamentarios pretenden aprobar unha nova lei para regular o uso das linguas estranxeiras na publicidade. De se aprobar, as autoridades locais poderán prohibir o uso das linguas estranxeiras se non van acompañadas do mesmo texto en checo.
Fonte: Radio Praha
Autoridades da rexión autónoma do Tibet anunciaron que están preparando unha nova lexislación vinculante para protexer a lingua tibetana e promover o seu desenvolvemento.
Fonte: Shanghai Daily
A plataforma Prolingua denuncia o incumprimento do Concello de Redondela da ordenanza do uso do galego "na sinalización dos edificios municipais, na rotulación viaria de competencia municipal e en varios anuncios do Centro Deportivo Serviocio".
Fonte: Faro de Vigo
Baixo el título "O Galego na onda", inténtase promover a reflexión sobre a lingua galega e a súa valoración positiva entre os alumnos do Concello do Carballiño.
Fonte: Faro de Vigo
As axencias de viaxe catalás consideran que o uso do catalán é vantaxoso para mellorar a atención ao cliente e para dar unha boa imaxe da empresa. Estes datos despréndense do estudo “Os usos lingüísticos nas axencias de viaxes” impulsado pola Dirección Xeral de Política Lingüística (DGPL), coa colaboración da Asociación Catalá de Axencias de Viaxes Especializados (ACAVe) e a Confederación de Comercio de Cataluña (CCC).
A conselleira de Educación, Cristina Uriarte, e o viceconselleiro de Política Lingüística, Patxi Baztarrika, presentaron a terceira fase do tradutor automático do Goberno vasco que traduce textos curtos (1500 caracteres) e páxinas web. Ademais, pódese usar desde o móbil con sistema operativo Android e IOS.
Fonte: Noticias de Álava
Subscríbase ao boletín
