A Consellería de Cultura, Educación e Ordenación Universitaria acompañou ao escritor e académico da lingua galega Xosé Neira Vilas na presentación da súa última obra, Díaz Pardo. Crónica dunha fecunda amizade.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de xullo de 2014
Convocar colectivos sociais e culturais co fin de elaborar propostas cívicas coas que celebrar o Día das Letras de xeito alternativo aos actos da Real Academia é a proposta que facía a Mesa pola Normalización Lingüística ao reiterar o seu rexeitamento a homenaxear a Filgueira Valverde polo 17 de maio de 2015.
Fonte: Cultura galega
10 de xullo de 2014
O Tribunal Supremo desestimou o recurso da asociación Convivencia Cívica Catalá en contra do Decreto 128/2010 sobre acreditación do coñecemento lingüístico do profesorado das universidades do sistema universitario de Cataluña.
Fonte: Generalitat de Cataluña
10 de xullo de 2014
O mundo da automoción conta cun novo dicionario especializado na súa terminoloxía. As empresas BATZ, Cikautxo, Ekin Elay, GKN e Maier, co asesoramento dos terminólogos da unidade de Lingua e Tecnoloxía de Elhuyar, elaboraron o Dicionario de Automoción, un vademécum que se pode consultar en seis idiomas: éuscaro, castelán, inglés, francés, alemán e chinés.
Fonte: Noticias de Álava
09 de xullo de 2014
A Universidade de Santiago de Compostela contou coa presenza da catedrática de literatura portuguesa da Universidade Estadual de Campinas (São Paulo), Yara Frateschi Vieira, especialista no ámbito da literatura medieval galego-portuguesa e recoñecida divulgadora das letras galegas no Brasil.
09 de xullo de 2014
Oito anos despois a demanda dun dominio galego tornase realidade e o vindeiro 25 de xullo estrearanse as primeiras 90 webs con dominio .gal. Unha desas novas páxinas será a da Universidade de Vigo, que entrará no grupo dos pioneiros deste novo dominio, de igual xeito que hai 25 anos o fixo co dominio .es.
Fonte: Universidade de Vigo
09 de xullo de 2014
A Dirección Rexional das Comunidades dos Azores salienta o papel dos profesores de portugués nos EUA
O director rexional das Comunidades dos Azores destacou en Ponta Delgada o traballo desenvolvido polos profesores de lingua portuguesa nos Estados Unidos de América tendo en conta a “promoción, preservación e divulgación da lusofonía” naquel país.
Fonte: Local.pt
09 de xullo de 2014
O Festival das Artes de Coímbra celebrará o patrimonio da lingua portuguesa nun espectáculo que cruza a poesía con diferentes xéneros musicais como a samba ou o fado.
Fonte: As Beiras
09 de xullo de 2014
A Xunta pola Defensa da Lingua Asturiana denuncia que “a realización de produtos en asturiano pola Televisión Pública de Asturias, ademais de axudar a xerar datos bos de audiencia, repercutiría na economía do noso territorio ao axudar a promover unha industria audiovisual autóctona.
Fonte: Info Asturies
09 de xullo de 2014
O Departamento de Educación estenderá o curso que vén o “trilingüismo co éuscaro como eixe central” desde primaria ata bacharelato nos centros públicos que así o desexen, paso previo á súa xeneralización cando se definan claramente os obxectivos lingüísticos que se deben acadar en todas as linguas.
Fonte: Noticias de Álava
Boletín
Subscríbase ao boletín
