O grupo de comunicación público vasco EITB quere adelgazar o seu cadro de persoal e cambiar os traballadores e traballadoras que non saben éuscaro por outros que sexan bilingües.
Fonte: Ecoteuve
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de marzo de 2014
26 de marzo de 2014
O conselleiro de Cultura, Ferran Mascarell, e o presidente da Confederación de Comercio de Cataluña (CCC), Pere Llorens, asinaron un convenio para fortalecer a colaboración que manteñen para o fomento do uso do catalán no sector do comercio, dos servizos e do turismo en Cataluña.
Fonte: Generalitat de Catalunya
26 de marzo de 2014
A Xunta de Galicia, por medio da Consellería de Cultura, Educación e Ordenación Universitaria, e mais o Consello da Cultura Galega (CCG) organizarán este ano o foro Galician Language, que congregará en Santiago de Compostela expertos galegos e internacionais nun encontro centrado na lingua galega.
Fonte: Xunta de Galicia
25 de marzo de 2014
Desde 1964, lingüistas investigan no Instituto da Lingua Alemá, en Mannheim, todas as áreas do idioma alemán. Non só recollen dialectos, senón que tamén estudan o discurso coloquial e se preocupan polo futuro da lingua, para o ben de todos os falantes.
Fonte: DW
25 de marzo de 2014
O lingüista timorense, Luís Costa, concluíu unha gramática de tetún baseada na gramática da lingua portuguesa, instrumento que considera importante para o ensino da lingua no seu país. Porén, aínda falta financiamento para a súa edición.
Fonte: RTP
25 de marzo de 2014
Xa está na rede Lsexpress, unha tenda en liña desenvolvida polo centro educativo Comunidade Xorda a Fundación Andaluza Accesibilidade e Persoas Xordas (Grupo FAAS) para ofrecer a todas as persoas interesadas cursos a distancia para aprender lingua de signos e cursos de prácticas de interpretación da lingua de signos.
Fonte: Diario Signo
25 de marzo de 2014
A Coordinadora de Traballadores/as de Normalización da Lingua presenta a campaña "Como cho digo ;-)"
A Coordinadora de Traballadores/as de Normalización da Lingua presenta a súa nova campaña de normalización lingüística "Como cho digo ;-)", unha iniciativa deseñada para promover o uso do galego nos medios de comunicación. O obxectivo da campaña é que persoas e entidades representativas dos diferentes ámbitos sociais manifesten publicamente o seu desexo de que os medios de comunicación reflictan en galego as declaracións que elas e eles fan neste idioma.
Fonte: Consello da Cultura Galega
25 de marzo de 2014
A Asociación Galega de Editores deu a coñecer os galardoados/as dos IX Premios Ánxel Casal, que teñen como obxectivo recoñecer o traballo editorial en lingua galega realizado polos seus membros ao longo do ano.
Fonte: Consello da Cultura Galega
24 de marzo de 2014
Alumnado do ensino público de São Paulo aprende outras linguas alén do portugués para recibir os turistas que se acheguen ao Brasil con motivo da Copa do Mundo de Fútbol.
Fonte: G1.Globo
24 de marzo de 2014
Case dúas décadas despois de que as linguas indias fosen suprimidas do currículo en escolas públicas de Suráfrica, o hindi, o támil, o guxaratí, o telugu e o urdú serán ofertadas novamemente co fin de atender as demandas da importante comunidade de orixe india do país africano.
Fonte: The Economic Times
Boletín
Subscríbase ao boletín
