O Consello Federal de Suíza non permitirá que un cantón sacrifique o ensino dunha segunda lingua nacional nas escolas primarias a favor do inglés, afirmou Alain Berset, membro do Partido Socialdemócrata.
Fonte: RTS
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de xuño de 2014
16 de xuño de 2014
Un grupo de defensores da lingua galesa acampou diante da Asemblea Nacional de Gales na baía de Cardiff para demandar a aprobación de seis medidas lexislativas que garantan a protección do galés.
Fonte: Daily Post
16 de xuño de 2014
A Comisión de Asuntos Indíxenas da Asemblea Nacional de Nicaragua está ultimando os últimos detalles da tradución da Constitución Política de Nicaragua ás linguas maternas dos pobos indíxenas do Caribe: misquito, mayangna e creole.
Fonte: La Prensa
16 de xuño de 2014
A lingüista caboverdiana, Amália Lopes, defendeu a necesidade de traballar coa sociedade civil caboverdiana para esclarecer as dúbidas que eventualmente existen sobre a oficialización do crioulo, co fin de acadar unha mellor comprensión e aceptación.
Fonte: A Bola
16 de xuño de 2014
A Consellería de Cultura, Educación e Ordenación Universitaria concederá 113 axudas para que o alumnado universitario poida mellorar o seu coñecemento de idiomas en estadías nalgún Estado membro da Unión Europea durante o verán de 2014.
Fonte: Xunta de Galicia
16 de xuño de 2014
O Senado inserirá a imaxe dun intérprete de lingua de signos nas súas retransmisións por primeira vez coincidindo co pleno monográfico que debaterá e votará a lei orgánica que fará efectiva a abdicación do rei.
Fonte: La Vanguardia
16 de xuño de 2014
A manifestación, convocada pola plataforma Somescola.cat, que aglutina 38 entidades cívicas e educativas, reclamaba un modelo de escola que non segregue os alumnos por razón de lingua e que garanta o coñecemento do catalán e o castelán.
Fonte: 20 Minutos
15 de xuño de 2014
O director xeral de Telefónica en Cataluña, Kim Faura, mostrou o compromiso da compañía para facilitar contidos audiovisuais en catalán, pero expresou o seu desacordo co proxecto da Generalitat para aplicarlles aos operadores de telecomunicacións unha taxa para financiar o cine en catalán.
Fonte: La Vanguardia
13 de xuño de 2014
O ministro de Educación de Australia, Christopher Pyne, defendeu a necesidade de aprender linguas estranxeiras nas escolas públicas do país. Na próxima década, o ministerio que representa quere que o 40 % dos alumnos do último ano do ensino secundario opte polo estudo dunha lingua estranxeira.
Fonte: ABC
13 de xuño de 2014
Un grupo de bolseiros brasileiros do Programa de Cualificación Docente e Ensino da Lingua Portuguesa (PQLP) está en Timor Leste para participar en accións destinadas ao ensino do portugués e á formación de docentes de diversas áreas e niveis. O equipo está formado por un total de 49 estudantes.
Fonte: Ventos da Lusofonia
Boletín
Subscríbase ao boletín
