Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conxunto das administracións vascas destinaron en 2012 un total de 146 millóns de euros para o fomento e uso do éuscaro, o que supón unha achega de 68 euros por habitante. Empregaron directamente a 715 persoas. O Goberno vasco é a institución que máis diñeiro inviste (96 millóns de euros) achegando dous de cada tres euros (42 euros por habitante).
Fonte: Deia
As bibliotecas da rede pública do Concello de Bilbao teñen en marcha a campaña ‘Irakurri, Gozatu eta Oparitu’, unha iniciativa para promover a lectura de textos en éuscaro que ofrece cheques-agasallo na compra de libros de cambio de comentarios dos xa lidos a través do servizo de préstamo municipal.
Fonte: Europa Press
A primeira ministra letoa, Laimdota Straujuma, prometeu manter o ensino da lingua rusa en todas as escolas públicas de fala rusa en Letonia. Porén, isto fai só referencia ás materias relacionadas con contidos lingüísticos, históricos e culturais.
Fonte: Itar-Tass
Unha empresa do ámbito dos medios de comunicación utilizou os datos obtidos no censo dos EUA para analizar as linguas máis faladas en cada estado. Así, por exemplo, despois do inglés, a lingua predominante é o español en case todos os estados, mentres que as linguas orixinarias, como o navajo, ocupan unicamente o terceiro lugar en estados como Arizona.
Fonte: Ktar
Baixo o nome de Proxecto Gaelaico, un grupo de expertos encabezados por Martín Fernández, cofundador das dúas primeiras discográficas galegas; James Durán, doutor en Lingüística na Universidade de Stanford; Alberto Lago, licenciado en Xeografía e Historia; e Henrique Egea, licenciado en Filoloxía Clásica, queren demostrar que en Galicia “se falou unha lingua celta goidélica”.
Fonte: El Ideal Gallego
O Servizo de Normalización Lingüística do Concello de Pontevedra organiza o Obradoiro de ferramentas en galego para o lecer e o tempo libre, destinado a profesionais do sector que preferentemente traballen no consistorio pontevedrés.
Fonte: Consello da Cultura Galega
A Consellería de Cultura, Educación e Ordenación Universitaria e mais a compañía galega de distribución alimentaria Vegalsa-Eroski colaboran un ano máis para conmemorar conxuntamente o Día das Letras Galegas.
Fonte: Xunta de Galicia
A Consellería de Cultura, Educación e Ordenación Universitaria, a través do centro de investigación adscrito á Secretaría Xeral de Política Lingüística, vén de publicar o vixésimo oitavo volume dos Cadernos Ramón Piñeiro: Cunqueiro, destinatario.
Fonte: Xunta de Galicia
Os internautas cataláns elixen como idioma principal o castelán cando empregan os buscadores da rede (Google, Yahoo, Bing, etc.). Concretamente, un 57,5 % fai buscas en internet nesta lingua, mentres que un 36,8 % opta polo catalán e un 2,6 % decántase polo inglés.
Fonte: Nuevas Tecnologías
A Consellería de Educación, Cultura e Universidades de Murcia proporciona a 1750 escolares de Primaria e Secundaria visitas guiadas en lingua estranxeira a lugares de interese histórico, cultural e artístico da rexión dentro do programa Descubre da iniciativa +Idiomas.
Fonte: Murcia
Subscríbase ao boletín
