Abriuse o prazo de solicitude para formar parte do Censo de entidades de fomento da lingua catalá 2014 que elabora o Departamento de Cultura. Para poder formar parte, as entidades han de ter nos seus estatutos a finalidade de fomento da lingua catalá ou ben desenvolver actividades para impulsar o seu uso.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de xaneiro de 2014
08 de xaneiro de 2014
O carácter árabe continuará sendo un dos principais piares de Tunisia. O novo texto constitucional do país africano non inclúe, polo menos na súa primeira parte, a lingua e cultura do pobo tamazight. A Asemblea Constitucional de Tunisia aprobou os primeiros artigos da nova Constitución, tres anos despois da caída do presidente autoritario Zine El Abidine Ben Ali.
Fonte: Nationalia
08 de xaneiro de 2014
Bota a andar a tradución ao tibetano da Enciclopedia de China que, segundo Cedain Zhaxi, xefe do instituto de estudos tibetanos da Universidade do Tibet, tardará cinco anos en ser rematada. Esta universidade e a Rexión Autónoma do Tibet serán os responsables da tradución e posterior publicación da obra.
Fonte: English East Day
08 de xaneiro de 2014
A Consellería de Cultura, Educación e Ordenación Universitaria, a través do secretario xeral de Política Lingüística, Valentín García, participou no acto cultural e ofrenda floral organizado pola Fundación Castelao con motivo do 64 Aniversario do pasamento de Alfonso Daniel Rodríguez Castelao.
Fonte: Xunta de Galicia
08 de xaneiro de 2014
O Concello de Ortuella contará durante os próximos catro anos cun novo Plan local de éuscaro, o que permitirá garantir a súa utilización na vida cotiá da institución.
Fonte: Deia
08 de xaneiro de 2014
Os novos datos sobre alumnos que deciden estudar outro idioma son malos na Universidade de Granada. «En linguas estranxeiras, o contexto económico seguiu afectando a esta área», recoñecen na institución universitaria. E a noticia non é nova. É o terceiro ano consecutivo que baixou a cifra de estudantes e de matrículas en cursos de linguas modernas.
Fonte: Ideal
08 de xaneiro de 2014
O vicepresidente da Xunta, Alfonso Rueda, visitou a Federación de Asociacións de Persoas Xordas de Galicia para asinar un convenio de colaboración que facilitará o acceso das persoas con discapacidades auditivas e da fala aos servizos de emerxencias.
Fonte: Xunta de Galicia
07 de xaneiro de 2014
O Concello de Ribadavia encargaralle un estudo ao Centro de Estudos Carballiñeses para pedir ante a Real Academia Galega que a palabra "pulpo" se incorpore ao dicionario galego, co mesmo significado que a de "polbo".
Fonte: Faro de Vigo
07 de xaneiro de 2014
O Ministerio de Educación do Xapón iniciou a reforma do ensino da lingua inglesa no sistema educativo co obxectivo de formar unha xeración de traballadores que poidan desenvolver un papel activo a nivel mundial. A nova reforma prevé que a aprendizaxe do inglés comece antes e permite impartir neste idioma algunhas clases do ensino medio.
Fonte: The Japan News
07 de xaneiro de 2014
O turismo rural en Galicia, igual que outras zonas de España, está a sumarse, con desigual sorte, á oferta de idiomas e inmersión lingüística de fin de semana.
Fonte: El Correo Gallego
Boletín
Subscríbase ao boletín
