Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    11 de novembro de 2011

    O secretario xeral de Política Lingüística, Anxo Lorenzo, participou na entrega dos XXI Premios San Martiño de Normalización Lingüística, uns galardóns que, segundo afirmou, “celebran e recoñecen as iniciativas sociais que se desenvolven para a extensión do uso do galego”.

    Fonte: Xunta de Galicia

    11 de novembro de 2011

    Logo do acto de constitución que tivo lugar o pasado 28 de outubro, a Rede de Dinamización Lingüística pon en marcha o seu traballo para impulsar o fomento do galego desde o ámbito local.

    Fonte: Xunta de Galicia

    11 de novembro de 2011

    Co fin de promover e preservar a lingua e a literatura caxemiras, Adbee Markaz Kamraz, un grupo de organizacións literarias e culturais da rexión de Caxemira na India, organizará dous actos literarios nas cidades indias de Sopore e Kupwara.

    Fonte: Ground Report

    10 de novembro de 2011

    A Xunta de Galicia participa en Donegal (Irlanda) nunha iniciativa que busca promover entre a mocidade o uso dos idiomas propios en diferentes comunidades europeas con linguas socialmente minoritarias. Con este fin, a Secretaría Xeral de Política Lingüística presentará os principais programas que está a promover para ampliar a presenza do galego nas franxas de idade máis novas.

    Fonte: Xunta de Galicia

    10 de novembro de 2011

    O responsable de Política Lingüística, Anxo Lorenzo, aposta por aproveitar a potencialidade das redes sociais para ampliar os ámbitos de uso da lingua galega. Así o asegurou durante a rolda de prensa na que se entregaron os premios do certame MICRO CompH!ostalería. 800 anos en 800 caracteres, un concurso de microrrelatos en galego que se realizou a través da páxina de Facebook CompHostalería.

    Fonte: Xunta de Galicia

    10 de novembro de 2011

    O Goberno vasco aprobou un decreto sobre comunicación audiovisual que regula, entre outras cuestións, o peso que terá o éuscaro nas futuras emisións de radio e televisión que se abran a Euskadi.

    Fonte: El Correo

    10 de novembro de 2011

    Os medios de comunicación en éuscaro de Navarra e Topagunea, federación de asociacións a favor do éuscaro, denuncian os recortes aos que novamente os somete Euskarabidea, Instituto Navarro do Éuscaro.

    Fonte: Xornal de Galicia

    09 de novembro de 2011

    O autor Amadeu Ferreira, un dos principais impulsores da lingua mirandesa, acaba de publicar a Biblia nesta lingua. Ls Quatro Eibangeilhos, que así se chama a obra en mirandés, é o resultado dunha tradución realizada entre 2001 e 2004 a partir do latín.

    Fonte: TVNET

    09 de novembro de 2011

    Cada vez máis cidadáns cubanos están interesados en aprender chinés mandarín motivados pola crecente alianza económica e política entre os Gobernos de China e Cuba.

    Fonte: Telemundo 51

    09 de novembro de 2011

    Unha ferramenta que permite conxugar os verbos galegos en liña. Este é o proxecto que presenta Cilenis, unha nova empresa dedicada ao procesamento da linguaxe e á enxeñería lingüística. A iniciativa pretende facilitar a conxugación de todos os verbos en galego "mesmo os que non aparecen nos dicionarios".

    Fonte: Culturagalega.org

    Boletín

    Subscríbase ao boletín

    Logo Feder