A lingua portuguesa é a quinta máis falada na rede social Twitter, segundo un estudo divulgado por unha empresa especializada en medios dixitais. O inglés segue liderando a lista, seguido do xaponés, o español e o malaio.
Fonte: Techtudo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de decembro de 2013
A Consellería de Cultura, Educación e Ordenación Universitaria está a desenvolver un novo curso de formación para teletitores dos cursos de linguaxes específicas do galego que organizan, conxuntamente, a Secretaría Xeral de Política Lingüística e a Escola Galega de Administración Pública (EGAP).
Fonte: Xunta de Galicia
11 de decembro de 2013
As escolas oficiais de idiomas experimentaron un aumento do alumnado matriculado nos últimos cinco anos de máis do 35 %, chegando este curso a case 35 000 estudantes. Aínda que en números absolutos o inglés é a lingua que rexistra unha maior subida, proporcionalmente o alemán é o idioma que máis elevou o seu alumnado.
Fonte: La Voz de Galicia
11 de decembro de 2013
A Consellería de Cultura, Educación e Ordenación Universitaria colabora un ano máis con Edicións Bolanda na xira de Nadal dos Bolechas 2013, “Os Bolechas fan unha banda”, que chegará, do 22 de decembro ao 8 de xaneiro, a un total de once localidades galegas, co apoio da Secretaría Xeral de Política Lingüística e da Axencia Galega das Industrias Culturais (Agadic).
Fonte: Xunta de Galicia
11 de decembro de 2013
Máis de 177 establecementos comerciais adheríronse á campaña “E ti, xogas en catalán?”, impulsada polo Consorcio para a Normalización Lingüística, adscrito ao Departamentos de Cultura da Generalitat de Cataluña, aínda que o número definitivo de comercios participantes non se coñecerá ata finais de decembro. O obxectivo da campaña é dar a coñecer e facilitar a oferta de xogos en catalán e fomentar o seu uso entre os cidadáns.
11 de decembro de 2013
A edición deste libro, elaborado polos servizos técnicos do Instituto de Estudos Baleáricos, ten como obxectivo ofrecerlles aos cidadáns e aos diferentes organismos das illas Baleares, unha ferramenta que lles permita consultar facilmente as peculiaridades da fala de cada unha das illas que contan co visto e prace da normativa.
Fonte: Mallorca Confidencial
11 de decembro de 2013
Os responsables da Secretaría de Política Lingüística do Tribunal Supremo de Xustiza de Paraguai presentaron o dicionario dixital guaraní para o seu uso no ámbito xurídico.
Fonte: Abc
11 de decembro de 2013
O Ministerio de Cultura do Perú anunciou que adoptará medidas para preservar o quechua e incrementar o número de peruanos que actualmente falan e entenden o idioma dos incas en todo o país.
Fonte: Letralia
10 de decembro de 2013
A Consellería de Cultura, Educación e Ordenación Universitaria participou na presentación de “Para que nos serve Galiza?”, obra coa que o polítologo, consultor e investigador Xaime Subiela Pérez se fixo coa XII edición do Premio de Ensaio Ramón Piñeiro.
Fonte: Xunta de Galicia
10 de decembro de 2013
O presidente da Mesa pola Normalización Lingüística, Carlos Callón, avanzou que o Valedor do Pobo tramitará unha queixa sobre o rexeitamento do Ministerio de Economía a conceder bolsas predoutorais a uns alumnos galegos por incluír certificado de estudos en lingua galega.
Fonte: Galicia Hoxe
Boletín
Subscríbase ao boletín
