Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Os Centros de Información á Muller de Vigo, Redondela, Soutomaior, O Porriño, Gondomar e Moaña van incorporar un innovador servizo de teletradución a 51 idiomas, ofrecido sen custo pola Secretaría Xeral de Igualdade da Xunta de Galicia.
Fonte: Xunta de Galicia
Microsoft publicou por primeira vez un paquete de software en linguas africanas. Usuarios informáticos do continente africano poderán agora ter acceso a software localizado en suahili (lingua costeira de África oriental), igbo, hausa, iorubá (linguas de Nixeria) e en amárico de Etiopía.
Fonte: Computerworld
Por medio de cursos, a Universidade de Ciencias e Artes de Chiapas (Unicach) busca preservar a lingua zoque, que está en perigo de desaparición.
Fonte: El Heraldo de Chiapas
O Congreso Permanente da Lingua occitana encargarase da regulación lingüística do occitano. O novo organismo conta co apoio das rexións francesas de Aquitania, Languedoc-Rosellón, Mediodía-Pireneos e Ródano-Alpes. O próximo mes de marzo, unha manifestación demandará mellores políticas para impulsar o uso público da lingua.
Fonte: Nationalia
A produtora Ámbitu, editora do diario Les Noticies, acaba de emitir os tres primeiros episodios de “Chatarrona”, a primeira comedia de situación en asturiano feita para a rede.
Fonte: Asturnews
‘Fala co Concello en éuscaro, é o teu dereito’. Este é o lema da campaña que busca lograr que a cidadanía tolosarra, sexa cal sexa o seu nivel de coñecemento do éuscaro, o utilice cando teña que facer xestións nas oficinas municipais, trámites, solucionar dúbidas ou completar papeis.
Fonte: Diario Vasco
2.0 Editora presenta o Dicionario Moderno Inglés-Galego, unha ferramenta imprescindible para o acceso a outras culturas, a aprendizaxe do inglés, o afondamento en coñecementos xa adquiridos, ou o dominio da lingua inglesa desde a semántica do galego.
Fonte: 2.0 Editora
O equipo creador do ConxuGalego e o DicionarioGalego ten entre mans unha nova aplicación que dar a coñecer. Trátase da aplicación TradutorGalego para Android, unha ferramenta que permite traducir textos do galego ao español, catalán, inglés ou francés, e viceversa.
Fonte: Código Cero
No marco da feira Terractiva, en Arzúa, presentouse a campaña "Vitaminas para o galego". Dez medios de comunicación nesta lingua participan neste proxecto que quere concienciar a sociedade da importancia de contar con medios en galego.
Fonte: Culturagalega.org
Un total de 169 000 persoas falan navaho na casa, o que o converte na lingua nativa americana máis falada dos Estados Unidos. Este dato resulta esperanzador, sobre todo se se ten en conta que moitas tribos están loitando para manter as súas linguas ancestrais.
Fonte: Associated Press
Subscríbase ao boletín
