Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O proxecto é innovador porque é o primeiro que unifica dous conceptos: adestramentos de calidade e en éuscaro. Kimet Planning é un software informático para a preparación minuciosa dos adestramentos de fútbol, que o Concello de Getxo decidiu aplicar para fomentar o éuscaro no campo deportivo.
Fonte: Deia
O Senado de México aprobou unha reforma para garantir que as persoas que falen linguas indíxenas teñan dereito a un intérprete cando se enfronten a un xuízo.
Fonte: El Porvenir
Os creadores de aplicacións para Android que queiran ampliar os seus mercados internacionais poden gozar desde agora do servizo de traducións de aplicacións presentado no último congreso Google I/O, e que leva meses funcionando en probas para comprobar o bo funcionamento desta nova solución para a localización de aplicacións a distintos mercados.
Fonte: Código Cero
Máis de 9000 alumnos de 150 centros escolares participan nas videoconferencias que organiza a Coordinadora Galega de Equipos de Normalización e Dinamización Lingüística con motivo do IV Día da Ciencia en Galego.
Fonte: La Opinión
A edil de Normalización Lingüística, Isaura Abelairas, explicou que o Goberno local programa tamén actividades para nenos de cero a tres anos. "Pretendemos que, dunha forma totalmente natural, o noso idioma sexa utilizado en todos os ámbitos", asegurou Abelairas, polo que as propostas municipais se estenden dos centros educativos ás bibliotecas, museos e incluso cafeterías.
Fonte: Concello de Vigo
O Instituto das Culturas rexeitou a proposta de Esquerra Republicana de Catalunya de declarar a cooficialidade do tamazight, lingua milenaria bérber que fala unha gran parte da poboación musulmá da cidade. O instituto explica que é “imposible” desde o punto de vista xurídico e práctico, que consiga ser unha lingua cooficial en Melilla.
Fonte: El Faro Digital
Encargado por Òmnium Cultural e a Plataforma pola Lingua, o documento elaborado pola Xarxa Cruscat do Instituto de Estudos Cataláns analiza a evolución da situación sociolingüística e o marco xurídico do catalán durante o ano 2012.
Fonte: Xarxa Cruscat
Os deputados do partido Europa Ecoloxía propoñen cambiar a Constitución francesa para poder introducir a Carta Europea das Linguas Rexionais ou Minoritarias no ordenamento xurídico francés. Durante a pasada carreira electoral, o actual presidente, François Hollande, comprometeuse a ratificala mais o Consello de Estado emitiu un ditame negativo.
Fonte: Nationalia
Na actualidade, os sinais das estradas da República de Irlanda dan preferencia ao inglés en detrimento do irlandés. Porén, o ministro de Transportes, Leo Varadkar, aprobou un plan que substituirá gradualmente os sinais por outros nos que se dea igual de importancia ao inglés e ao gaélico irlandés.
Fonte: Independent
A Consellería de Cultura, Educación e Ordenación Universitaria, por medio da Secretaría Xeral de Política Lingüística, continúa a despregar os “Encontros dos Axóuxeres” en concellos da Rede de Dinamización Lingüística (RDL) da Xunta de Galicia.
Fonte: Xunta de Galicia
Subscríbase ao boletín
