Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O ensino público en éuscaro resiste e rexistra preto de 1300 solicitudes de escolares de 3 anos para o próximo curso. Uns datos que supoñen un descenso do 5 % con respecto aos contabilizados no período de prematrícula do pasado ano.
Fonte: Noticias de Navarra
A promoción da lingua portuguesa nas ciencias, o emprendemento, a cooperación e as organizacións internacionais, ademais do ensino do portugués, son os eixes principais do Plan de Acción de Lisboa, aprobado polos ministros da lusofonía en Maputo.
O conselleiro de Cultura, Educación e Ordenación Universitaria, Xesús Vázquez Abad, presentou outra das iniciativas que o seu departamento pon en marcha no marco da programación que impulsa a Xunta de Galicia para renderlle tributo ao autor guitiricense Xosé María Díaz Castro, a nova edición remasterizada do documental ‘Xosé María Díaz Castro. Nimbos de poesía’.
Fonte: Xunta de Galicia
Os novos dirixentes revogan unha normativa que desde 2012 permitía a oficialidade das linguas diferentes do ucraíno a escala provincial e local. O presidente de Ucraína promete unha nova lei "equilibrada", pero non aclara se permitirá a oficialidade doutros idiomas.
Fonte: Nationalia
Un total de seis de cada dez cidadáns prefire consumir produtos culturais en catalán se atopa oferta, segundo sinala a segunda ondada de 2013 do estudo Ómnibus do Centro de Estudos de Opinión (CEO) da Generalitat de Cataluña.
Fonte: Generalitat de Cataluña
A Mancomunidade de Durango puxo en marcha a campaña 'Euskara eta kirola sasoian' co fin de consolidar a normalización da lingua vasca en todas as facetas da vida diaria. O obxectivo desta iniciativa é «coñecer a situación do éuscaro no deporte da comarca e buscar vías para fomentar o seu uso».
Fonte: El Correo
A Asociación de Persoas Xordas de Vigo convoca o primeiro festival da canción en lingua de signos en Galicia e un dos poucos a nivel español que se celebrará o 12 de abril no teatro García Barbón.
Fonte: Atlántico
Para asegurar a continuidade do idioma nas novas xeracións, a Axencia Rexional da Lingua Friulana (ARLEF) iniciou unha campaña informativa na maternidade de Palmanova (Friúl) que incide nos beneficios de transmitirlles esta lingua aos acabados de nacer.
Fonte: Nationalia
A dirección de EiTB presentou ao consello de administración un plan de éuscaro para o período 2013-2016 que implicará asignar perfís lingüísticos a todos os postos de traballo da radiotelevisión pública e incluso esixírllelos ao persoal das empresas subcontratadas.
Fonte: El Mundo
A Consellería de Educación irá implantando de forma paulatina o ensino bilingüe en todos os centros públicos da rexión e serán os propios colexios, co consenso das familias, os que escollerán o número de materias que os estudantes cursen en lingua estranxeira.
Fonte: ABC
Subscríbase ao boletín
