Unha das conclusións do sexto Congreso Internacional da Lingua Española, celebrado en Panamá, é que cada vez máis países demandan ferramentas para aprender a lingua española.
Fonte: El Universal
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de outubro de 2013
As xeracións máis novas son as que máis utilizan o éuscaro á hora de relacionarse, mentres que os adultos se expresan en éuscaro con maior frecuencia cando se dirixen aos nenos e moito menos cando manteñen unha conversa con outro adulto. Os datos recóllense no estudio realizado por Soziolinguistika Klusterra, unha medición do uso do éuscaro a nivel de rúa.
Fonte: Diario Vasco
25 de outubro de 2013
A Confederación Estatal de Persoas Xordas (CNSE) denunciou que, cando se cumpren seis anos da lei que recoñeceu a lingua de signos castelá e catalá, aínda hai alumnos con discapacidade auditiva escolarizados en España que non dispoñen dun intérprete en clase que lles traduza a lección do profesor.
Fonte: Europa Press
25 de outubro de 2013
O alumnado de ensino secundario da Güiana poderá aprender portugués despois de que o Ministerio de Educación do país americano introducise oficialmente a lingua portuguesa no currículo escolar en cinco escolas piloto.
Fonte: Guyana Times
25 de outubro de 2013
Un maior coñecemento da contorna da internet, superar certas carencias no coñecemento da lingua oral e escrita, tanto en galego coma en castelán, e adquirir un maior coñecemento práctico dos medios e comunicación e do protocolo son algunhas das necesidades que presentan os novos profesionais do sector segundo un estudo realizado recentemente por dous integrantes do grupo de investigación NeCom da Universidade de Vigo.
Fonte: Universidade de Vigo
24 de outubro de 2013
A Consellería de Cultura, Educación e Ordenación Universitaria programa durante estes días tres das actividades do proxecto de dinamización lingüística “FalaRedes 2013”, destinado á Rede de Dinamización Lingüística (RDL) da Xunta de Galicia.
Fonte: Xunta de Galicia
24 de outubro de 2013
O secretario xeral de Política Lingüística, Valentín García, participou na Estrada na celebración do Día das Bibliotecas Escolares organizada polo CEIP O Foxo.
Fonte: Xunta de Galicia
24 de outubro de 2013
A campaña "Gústame o galego de primeira" é unha acción dinamizadora da lingua galega impulsada polo Real Club Celta, Fundación Celta de Vigo, Concello e Universidade coa complicidade de xogadores, técnicos e afección.
Fonte: Universidade de Vigo
24 de outubro de 2013
O procurador socialista por Zamora, José Ignacio Martín Benito, denunciou no pleno das Cortes o incumprimento do artigo 5 do Estatuto de Autonomía de Castela e León e do “atentado contra as linguas da Comunidade” que supón a política de recortes da Junta ao suprimir clases de galego no Bierzo e Zamora.
Fonte: InfoBierzo
24 de outubro de 2013
O secretario xeral de Política Lingüística, Valentín García, participou no acto de celebración do 'Día da restauración da memoria lingüística de Galicia', impulsado pola Asociación de Funcionarios pola Normalización Lingüística.
Fonte: Xunta de Galicia
Boletín
Subscríbase ao boletín
