Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Cultura, Educación e Ordenación Universitaria, Xesús Vázquez Abad, inaugurou, en Madrid, o ciclo “Rosalía de Castro: Tradición e Modernidade”, co que se da un novo paso para achegar a figura e a obra da escritora galega a todo o público.
Fonte: Xunta de Galicia
O Concello de Getxo elaborou un plan de promoción do éuscaro para o período 2013-2016 que inclúe máis de 300 accións e que incidirá nas persoas que non se achegaron ao éuscaro, nos inmigrantes e no ocio.
Fonte: ABC
O presidente de Kazakhistán, Nursultan Nazarbayev, instou o funcionariado público a evitar a discriminación por motivos de lingua, informou o servizo de noticias Tengrinews.
Fonte: Tengrinews
Se Bruxelas aspira a ser unha cidade internacional, o inglés debería converterse en lingua oficial, declarou o ministro flamengo de Educación, Pascal Smet, tras presentar un proxecto para a promoción do multilingüismo na capital belga.
Fonte: EurActiv
A aprendizaxe das linguas é unha prioridade da Unión Europea, afirmou Androulla Vassiliou, comisaria europea de Educación, Cultura e Multilingüismo, tras presentar o novo programa Erasmus+. A comisaria declarou que as linguas son esenciais para fomentar o emprego e a mobilidade social en Europa.
Fonte: The Guardian
O catro grupos representados no Pazo do Hórreo (PPdeG, PSdeG, AGE e BNG) aprobaron por unanimidade unha iniciativa na que se insta á Xunta a realizar, xunto coa administración competente, unha campaña a favor do galego en Europa.
Fonte: Galicia Hoxe
Existe unha extensa rede de termos descoñecidos para a maioría da cidadanía hai apenas uns anos e que hoxe forman xa parte do noso día a día. Con todo, os termos que designan estas innovacións non son idénticos en todos os países. Conscientes desta realidade un equipo de traballo de once expertos, sete do Brasil e catro de Galicia, iniciaron a elaboración dun catálogo de imaxes (metáforas etc.) que servirá de base para a elaboración dun futuro dicionario sobre a crise económica internacional.
O secretario xeral de Política Lingüística, Valentín García, participou na presentación pública da edición ampliada e mellorada do Dicionario de pronuncia da lingua galega, promovido polo Instituto da Lingua Galega (ILG) da Universidade de Santiago de Compostela (USC), coa colaboración da Consellería de Cultura, Educación e Ordenación Universitaria.
Fonte: Xunta de Galicia
O Departamento de Cultura, a través da Dirección Xeral de Política Lingüística, coa colaboración do Consorcio pola Normalización Lingüística, presentou o programa Llegiu i parleu que ten como obxectivo favorecer a conversa en catalán a partir da lectura de textos.
Os Servizos Lingüísticos da Universidade de Barcelona, co apoio da Secretaría de Universidades e Investigación do Departamento de Economía e Coñecemento da Generalitat de Cataluña, ampliaron as Guías de conversa universitaria, unha ferramenta interactiva para axudar tanto aos estudantes acabados de chegar a Cataluña coma aos estudantes cataláns que se marchen a unha universidade estranxeira.
Subscríbase ao boletín
