O parlamentario canadense Daryl Kramp anunciou, en nome do ministro de Patrimonio e Linguas Oficiais de Canadá, a concesión de apoio financeiro para a aprendizaxe da lingua mohawk.
Fonte: Newswire
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de outubro de 2013
O viceministro de Educación de Timor Leste, Virgílio Smith, garantiu en Lisboa a continuidade do proceso de formación de profesores timorenses en Portugal porque o país precisa de "profundar o perfeccionamento" da lingua portuguesa.
Fonte: Porto Canal
09 de outubro de 2013
Máis dun terzo das universidades británicas deixaron de ofrecer licenciaturas en linguas modernas nos últimos 15 anos. Segundo os académicos, a razón radica nos estritos criterios de avaliación do último ano dos estudos secundarios que desalentan os adolescentes co estudo das linguas.
Fonte: The Guardian
09 de outubro de 2013
A campaña #AndroidEnGalego suma xa 2000 apoios dende o seu lanzamento, co obxectivo de urxir a Google a traducir ao galego a versión base de Android que se distribúe a todos os fabricantes e así permitirlles aos usuarios escoller este idioma nos seus dispositivos con independencia da marca.
Fonte: Galicia Hoxe
09 de outubro de 2013
A Consellería de Cultura, Educación e Ordenación Universitaria levará esta semana o programa de dinamización lingüística “Os Axóuxeres” a tres localidades pertencentes á Rede de Dinamización Lingüística (RDL) da Xunta de Galicia.
Fonte: Xunta de Galicia
09 de outubro de 2013
A Federación Andaluza de Asociacións de Persoas Xordas quere amosar o seu recoñecemento ao apoio da Junta de Andalucía ao alumnado xordo andaluz, que este ano volverá ter garantido en gran medida o seu acceso ao sistema educativo nas súas diversas etapas.
Fonte: El Economista
09 de outubro de 2013
A música facilita a aprendizaxe do inglés como lingua estranxeira nos nenos, incrementando non só a comprensión oral, senón tamén a produción oral e a lectora, segundo una investigación efectuada na Universidade de Huelva.
Fonte: Ideal
08 de outubro de 2013
A organización non gobernamental International Crisis Group presentou un relatorio sobre as medidas aprobadas polo primeiro ministro turco, Recep Tayyip Erdogan, no que declara que Turquía debería transferir algunhas competencias e garantir que todas as linguas maternas se poidan usar libremente.
Fonte: Nationalia
08 de outubro de 2013
O Servizo de Normalización Lingüística do Grove prepara un novo curso de galego para inmigrantes, o cal podería empezar a finais deste mes ou a principios do próximo.
Fonte: Faro de Vigo
08 de outubro de 2013
Xa son máis de 5000 as persoas que participaron sacando e difundindo unha foto cun lema en apoio ao proceso de normalización da lingua galega, máis de 10 000 as persoas seguidoras en Facebook, máis de 50 as sesións de photocall e un alcance na rede que, nalgunhas semanas, rolda as 70 000 persoas.
Fonte: CTNL
Boletín
Subscríbase ao boletín
