Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Creáronse os institutos de investigación de quechua, aimará, afroboliviano e guaraní co fin de recuperar, revitalizar e desenvolver os idiomas nativos que se falan en Bolivia, especialmente daqueles pobos que se atopan en risco de desaparecer.
Fonte: El Día
Un xuíz do Tribunal Supremo do Reino Unido decidirá se o banco de aforros estatal National Savings and Investment (Aforros e investimentos nacionais) retoma o servizo de atención en lingua galesa. O banco anunciara hai uns meses a interrupción da súa política en galés por mor da baixa demanda.
Fonte: BBC
Máis de 4000 persoas descargaron unha nova aplicación para teléfonos intelixentes e outros dispositivos electrónicos deseñada para promover o gaélico manés e que inclúe 10 capítulos de actividades para aprender a lingua.
Fonte: BBC
O BabeliUM, Centro de Linguas da Universidade do Miño (Portugal), ofrece este semestre unha diversificada oferta de formación lingüística que inclúe as seguintes linguas: inglés, alemán, francés, italiano, árabe, galego, checo, húngaro, xaponés, ruso, español, lingua de signos portuguesa e portugués como lingua estranxeira.
Fonte: Correio do Minho
Os hostaleiros da Mariña lucense forman parte desa embaixada non oficial que contribúe a divulgar turisticamente a comarca dentro e fóra das nosas fronteiras. Outro dos alicerces clave son os axentes que integran as policías locais, un corpo de referencia para os turistas que elixen este recuncho do Cantábrico como destino vacacional.
Fonte: La Voz de Galicia
O Servizo de Normalización Lingüística do Concello de Ames organiza unha nova edición do obradoiro de lingua e cultura galegas "En galego, co teu acento", dirixido á comunidade de inmigrantes que vive no municipio.
Fonte: Consello da Cultura Galega
A Mesa pola Normalización Lingüística deu a coñecer as queixas recibidas nos últimos días por usuarias e usuarios de Renfe que "constataron como a empresa pública deixaba de respectar a legalidade ao introducir toponimia deturpada na súa páxina web".
Fonte: Galicia Confidencial
O 31,3 % das ofertas de traballo require saber unha lingua estranxeira, unha porcentaxe que pode duplicarse para perfís cualificados ou sectoriais de actividade específicos, pese a que 6 de cada 10 empregados aseguren que non utilizan os idiomas que lles esixiron ao ser contratados.
Fonte: El Comercio
O Cancioneiro de Oencia "recolle a realidade lingüística e lírica do pobo en zonas que teñen profundas e arraigadas tradicións populares". Isabel Carrasco, presidenta da Deputación de León, recoñeceu con estas palabras algo que non adoitan recoñecer os políticos leoneses; que no Bierzo tamén se fala galego.
Fonte: Galicia Confidencial
A Consellería de Cultura, Educación e Ordenación Universitaria amplía o programa de dinamización lingüística “FalaRedes 2013” con “Acuario”, unha nova proposta dirixida ao público familiar que chegará durante o derradeiro trimestre do ano a unha trintena de concellos pertencentes á Rede de Dinamización Lingüística (RDL) da Xunta de Galicia.
Fonte: Xunta de Galicia
Subscríbase ao boletín
