Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Novagalicia Banco (NGB) está a retroceder no uso do galego desde que é propiedade do Estado español. Así o denuncia A Mesa pola Normalización Lingüística, que afirma que “hoxe é case imposíbel asinar un contrato en galego en Novagalicia Banco”.
Fonte: Sermos Galiza
Recibir un curso acelerado de inglés cunha estancia nun hotel é unha opción que cada vez cativa a máis galegos. Son varios os hoteis de Galicia que, a través do proxecto Intensive Learning, ofrecen unha fin de semana de aprendizaxe con aloxamento incluído.
Fonte: La Voz de Galicia
A Concellaría de Cultura do Concello de Fene organiza unha nova edición do festival "A mocidade coa lingua", co obxectivo de promover o uso do galego entre a xente nova no ámbito do lecer.
Fonte: Consello da Cultura Galega
O Concello de Val de Aranguren aprobou a primeira ordenanza que regula o uso e fomento do éuscaro neste municipio que en 2010 quedou incorporado á zona mixta.
Fonte: Diario de Navarra
O documento, elaborado conxuntamente pola Vicerreitoría de Estudos, Formación e Calidade e o de Cultura, Deportes e Política Lingüística, obedece “a orde publicada pola Consellería de Educación que atribúe ás universidades as competencias para expedir a capacitación docente en valenciano e en linguas estranxeiras”.
Fonte: Diario Información
Un informe da Unión Europea revelou que o inglés se converteu na lingua franca de todos os países europeos e que dous de cada tres cidadáns teñen un coñecemento aceptable de inglés.
Fonte: Daily Mail
Unha nova campaña do Reino Unido anima os cidadáns do país a aprenderen 1000 palabras nunha lingua estranxeira. Esta nova iniciativa xorde do temor de que as baixas habilidades lingüísticas da poboación poidan repercutir negativamente no comercio internacional e no emprego.
Fonte: BBC
O Pazo dos Ulloa en Esposende, Ribadavia, acolleu os membros do xurado da IX edición dos premios Bacelos de Prata, que desde hai anos concede a Asociación Álvaro das Casas ás bodegas que etiquetan en lingua galega viños de excelente calidade.
Fonte: Faro de Vigo
O luns 30 de setembro celébrase o Día Internacional da Tradución, unha data que os tradutores galegos pretenden aproveitar para reivindicar unha "maior visibilidade" do seu papel no día a día para aproximar culturas, profesións e achegar "calidade" a unha profesión que vai máis alá de ser "bilingüe".
Fonte: Galicia Hoxe
O manifesto do Correllengua reivindicou a unidade da lingua, “fronte a calquera invento de marxinala ou dividila” e a expresión dunha vontade de traballar por un País Valenciano lingüisticamente normal, e que as autoridades non sexan unha dificultade para esta normalidade”.
Fonte: El Periódico Mediterráneo
Subscríbase ao boletín
