Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Camões, Instituto de Cooperación e da Lingua Portuguesa e a Universidade Nacional de Timor Lorosae (UNTL) asinaron en Lisboa un memorando de entendemento que ten por obxecto a creación do Instituto da Lingua Portuguesa (ILP) na República Democrática de Timor Leste.
Fonte: Instituto Camões
O Servizo de Normalización Lingüística do Concello de Redondela organiza a terceira edición de Lareta, Festival de Monólogos de Redondela, unha actividade deseñada para fomentar o uso oral do galego e promover a creación artística nesta lingua.
Fonte: Consello da Cultura Galega
O Goberno balear dixo que ten sobre a mesa a posibilidade de eliminar a obriga a establecementos de rotular en catalán, aínda que se trata dunha materia que aínda non está pechada.
Fonte: Menorca.info
A X edición do programa ‘Ikusi eta Ikasi’, que ten como obxectivo promover o uso do éuscaro entre os nenos bilbaínos, desenvolverase en centros municipais, colexios e salóns de toda a vila, con más de 40 actos destinados a menores de entre 2 e 8 anos.
Fonte: El Diario
Nas próximas semanas lanzarase unha campaña en toda Irlanda para abordar o problema da falta de apoio e protección que sofren os falantes de gaélico por parte do Goberno irlandés.
Fonte: The Irish Times
Un grupo de 17 estudantes da Universidade de Harvard participa nunha experiencia de inmersión lingüística, social e cultural nunha universidade do estado brasileiro de Río Grande do Sur. Os alumnos aprenderán aspectos gramaticais da lingua portuguesa e trazos da cultura e da sociedade brasileiras.
Fonte: Planeta Universitario
A Consellería de Cultura, Educación e Ordenación Universitaria pechou a segunda edición do programa “Nadal en Rede”, no marco do cal máis de 60 concellos pertencentes á Rede de Dinamización Lingüística (RDL) da Xunta de Galicia recibiron actividades de lecer destinadas á promoción do uso do galego na celebración das festas propias do Nadal.
Fonte: Xunta de Galicia
O Concello da Coruña convocou un concurso escolar de blogs escritos en galego dirixido a alumnos de terceiro, cuarto, quinto e sexto de Primaria e de Educación Especial matriculados nos centros da cidade.
Fonte: La Opinión
O sindicato SUATEA esixiulle á Administración asturiana que faga cumprir as resolucións do Consello Escolar do Principado, segundo o acordado na sesión de decembro de 2013, concretamente as catro referentes á lingua asturiana, claves nun novo contexto como é a LOMCE, e que buscan a inclusión da materia de Lingua e Literatura Asturiana dentro do currículo de ensino non universitario.
Fonte: Asturnews
A escolarización en liñas de valenciano non chega a un terzo do alumnado, pois apenas o 30,4 % dos estudantes de ensino de réxime xeral da Comunidade Valenciana estuda en programas onde a lingua vehicular é o idioma propio. Así consta no anuario «As cifras da educación en España. Curso 2011/2012» que acaba de publicar o Ministerio de Educación.
Fonte: Levante-emv
Subscríbase ao boletín
