A dereita francesa do Parlamento Europeo votou en contra da resolución sobre as linguas rexionais ameazadas, aprobada por unha ampla maioría de parlamentarios, alegando que violaba a unidade da República Francesa.
Fonte: EurActiv
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de setembro de 2013
24 de setembro de 2013
O alumnado das tres universidades galegas, do bacharelato artístico e das diferentes escolas de imaxe e son está convidado a participar na terceira edición do certame de curtas de comedia ‘Somos a curta’ organizado pola Comisión de Normalización Lingüística da Facultade de Ciencias da Comunicación coa colaboración da Liga Estudantil Galega.
24 de setembro de 2013
O Servizo de Normalización Lingüística da Mancomunidade de Concellos da Mariña imparte un obradoiro de lectura e escritura en galego para persoas maiores, de entre 60 e 80 anos, dos municipios de Alfoz, Lourenzá, A Pontenova, O Vicedo, Ourol e Xove.
Fonte: La Voz de Galicia
24 de setembro de 2013
O labor da Real Academia da Lingua Vasca, Euskaltzaindia, foi recoñecido polo Parlamento Europeo ao outorgarlle o premio Cidadán Europeo en recoñecemento á súa traxectoria para fixar as normas de uso, fomentar a utilización social e os dereitos dos falantes do éuscaro.
Fonte: Diario Vasco
24 de setembro de 2013
A Junta de Castela e León decidiu suprimir o programa de inmersión lingüística de galego no Instituto Bergidum Flavium de Cacabelos, un dos catro centros de secundaria nos que se imparte lingua galega na comarca e o único desta localidade, ao suprimir esta materia optativa do Bacharelato.
Fonte: Praza Pública
23 de setembro de 2013
O ministro británico de Asuntos Exteriores, William Hague, anunciou a reapertura da Escola de Linguas (Language School) e prometeu crear unha nova academia para diplomáticos británicos. O novo centro ensinará 80 linguas, desde o árabe ata o zulú.
Fonte: The Telegraph
23 de setembro de 2013
O Concello da Coruña presentou as accións do programa de innovación e dinamización lingüística do galego a través da cultura dentro do programa "Coruña Educa", dirixido ao alumnado de primaria e secundaria.
Fonte: El Ideal Gallego
23 de setembro de 2013
Galicia celebrou o pasado xoves 19 de setembro o Día da Empresa en Galego como un recordo do compromiso para a promoción e apoio do uso da lingua da Comunidade no ámbito laboral, da intención de promover un "clima lingüístico" favorable nas empresas e de transmitirlles esta "filosofía" ás persoas que usan o galego e "motivar" as que non o fan.
Fonte: Galicia Hoxe
23 de setembro de 2013
Os contratos de traballo poderán redactarse nunha lingua diferente ao neerlandés. O Goberno flamengo modificará o decreto sobre o emprego das linguas co fin de axustarse a unha sentenza sobre este asunto ditada polo Tribunal de Xustiza da Unión Europea.
Fonte: 7sur7
23 de setembro de 2013
'Peter Punk', o programa de dinamización lingüística impulsado pola Consellería de Cultura, Educación e Ordenación Universitaria para impulsar o uso e a presenza do galego no marco das festas de verán de entidades locais integrantes da Rede de Dinamización Lingüística (RDL) da Xunta de Galicia, concluíu a súa xira por 36 municipios das catro provincias.
Fonte: Xunta de Galicia
Boletín
Subscríbase ao boletín
