Multitude de localidades vascas celebrarán as súas respectivas carreiras populares en favor do éuscaro baixo o lema ‘Euskaraz bizi nahi dut’ (Quero vivir en éuscaro). Eibar xa viviu unha actividade así o ano pasado, pero nesta ocasión quixo distinguirse e por ese motivo a cidade acollerá unha feira dedicada ao éuscaro. A cita permitirá coñecer os distintos ámbitos nos que un pode desenvolver diferentes actividades en éuscaro sen ter que deixar de lado a lingua vasca. Será unha festa de adhesión ao éuscaro.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de setembro de 2013
O premio de Narrativa Breve Repsol, que conta co apoio de Cultura e Educación, recae en Berta Dávila
A Consellería de Cultura, Educación e Ordenación Universitaria, por medio do secretario xeral de Política Lingüística, Valentín García, participou na Coruña na rolda de prensa na que se anunciou o ditame do xurado da VII edición do Premio de Narrativa Breve Repsol.
Fonte: Xunta de Galicia
18 de setembro de 2013
Os maquinistas de Renfe van recibir formación en lingua portuguesa e normas do país veciño para poder operar en todo o traxecto do tren directo entre Vigo e Porto.
Fonte: SOL
18 de setembro de 2013
Un traballo do profesor Alberto Pena defende a eficacia comercial de falarmos aos nosos clientes na lingua que estes saben súa, sexan quen de falala ou non. Na devandita investigación, publicada polo Consello da Cultura Galega baixo o título Os novos horizontes da industria publicitaria, analiza os efectos do uso das especificidades culturais do país no ámbito comercial, incidindo na idea de que calquera cultura que aposte por construír o seu propio discurso publicitario será máis competitiva no mercado internacional.
17 de setembro de 2013
Un programa de revitalización de linguas nativas dunha universidade da cidade tanzana de Dar es Salaam recibe un importante recoñecemento pola súa excelencia no ámbito da educación indíxena.
Fonte: Digital Journal
17 de setembro de 2013
Arredor de 3600 cidadáns indíxenas de Colombia que abandonaron a escola recibiron tablets dixitais para que poidan retomar os seus estudos nas súas linguas nativas.
Fonte: France 24
17 de setembro de 2013
“O novo falante de éuscaro merece o recoñecemento de toda a cidadanía”, dixo o viceconselleiro de Política Lingüística, Patxi Baztarrika, na inauguración do curso dos euskaltegis. Baztarrika anunciou que por iso “na presente lexislatura”, o instituto público de alfabetización de adultos (HABE) e o Goberno vasco van “realizar unha iniciativa específica e significativa que exprese o recoñecemento e homenaxe que os novos falantes de éuscaro merecen”.
Fonte: El Mundo
17 de setembro de 2013
A Deputación Provincial de Huesca daralles bolsas aos alumnos do Diploma de Especialización en Filoloxía Aragonesa, impartido pola Universidade de Zaragoza no campus oscense, cun 50 por cento de redución no prezo da matrícula.
Fonte: Heraldo
17 de setembro de 2013
O XII Premio Ramón Piñeiro Facer País, que outorga unha quincena de asociacións culturais das comarcas de Sarria, Láncara e O Corgo, foi para A Mesa pola Normalización Lingüística.
Fonte: Culturagalega.org
17 de setembro de 2013
O Concello coruñés fixo pública a oferta que pon este ano a disposición dos alumnos de Primaria e Secundaria para aprender idiomas. Farao a través dun proxecto denominado Coruña Linguas e as prazas que se convocan son 2235.
Fonte: El Ideal Gallego
Boletín
Subscríbase ao boletín
