A cuarta edición de «Modo Galego, actívao!» reúne en Ames uns 2700 escolares e toda a rede de centros públicos para impulsaren o uso do galego no día a día mediante retos lúdicos ligados á contorna. O programa, promovido pola RAG e o Concello, combina investigación e acción para frear a perda de galegofalantes ao entrar no sistema educativo e deseñar medidas avaliables e replicables. A iniciativa implica profesorado, familias e educación non formal, e incorpora tamén ámbitos de socialización como comedores e escolas deportivas.

Unha investigación recente alerta de que o goberno chinés está a aplicar políticas que restrinxen o uso da lingua mongol en educación, medios dixitais e espazos culturais na rexión autónoma da Mongolia Interior. O informe denuncia censura, peches de plataformas nesta lingua e medidas que contribúen á erosión da identidade cultural mongol.

Fonte: Bitter Winter

Segundo a Enquisa de Usos Lingüísticos da Poboación (2023), o catalán perdeu presenza social desde 2003 e deixou de ser maioritario en diferentes ámbitos, con retrocesos claros nas amizades, no fogar, no comercio, na banca e na atención sanitaria. O uso exclusivo do catalán baixou de forma marcada e medrou o peso doutras linguas, ao tempo que aumenta a identificación simultánea con catalán e castelán.