Euskarabidea reforzará en 2026 a colaboración con máis de trinta entidades navarras mediante a sinatura de 27 convenios para impulsar o uso social do éuscaro. O Goberno de Navarra consolida así un ecosistema de apoio a esta lingua con máis financiamento e proxectos de maior impacto. As actuacións inclúen iniciativas educativas, culturais, sociais e de lecer, así como o avance da presenza do éuscaro na Administración.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de febreiro de 2026
09 de febreiro de 2026
A Generalitat presentou os resultados do Plan de impulso do catalán desenvolvido entre 2023 e 2025, orientado a frear o retroceso no uso desta lingua. O balance salienta avances na formación, na sensibilización e na consolidación do catalán como lingua habitual na Administración, pero amosa unha perda relativa de uso, malia aumentar o número de persoas con coñecementos da lingua.
09 de febreiro de 2026
Esta celebración contou cun completo programa dedicado a Valentín Lamas Carbajal, coincidindo con datas senlleiras vencelladas á súa figura e á prensa en galego. As actividades combinaron reflexión profesional sobre xornalismo, redes sociais e intelixencia artificial con actos culturais e festivos. A xornada puxo en valor o papel dos medios en galego nun contexto dixital cambiante e serviu para reivindicar a vixencia do galego en condicións de igualdade con outras linguas.
09 de febreiro de 2026
Os Premios Youtubeiras+ celebraron en Ferrol a súa novena edición nunha gala na que recoñeceron o labor de creadoras e creadores que impulsan o uso do galego no ámbito dixital. O certame salientou tanto a calidade lingüística como a diversidade de formatos e temáticas presentes nas plataformas en liña. A edición bateu récord de participación e ampliou o seu alcance a calquera espazo dixital.
06 de febreiro de 2026
Os XXVII Encontros para a Normalización Lingüística propuxeron un conxunto de medidas para mellorar a función dos Servizos de Normalización Lingüística (SNL) e os Equipos de Dinamización da Lingua Galega (EDLG). As principais propostas inclúen a creación dunha normativa supramunicipal que regule os SNL, un aumento orzamentario, a mellora na formación e a creación de espazos de innovación.
06 de febreiro de 2026
O Parlamento vasco aprobou unha emenda que insta o Goberno vasco a promover o uso do éuscaro nos servizos da Administración de Xustiza, exixindo o coñecemento da lingua vasca nas prazas singularizadas.
Fonte: Orain
06 de febreiro de 2026
O secretario xeral da Lingua, Valentín García, e o director xeral de Centros e Recursos Humanos, Jesús Álvarez, participaron no peche de ‘21 Días co galego e +’, no colexio teense dos Tilos, onde se puxo fin á oitava edición do programa impulsado pola Xunta na que participaron 10 centros educativos de maneira voluntaria.
06 de febreiro de 2026
A Universidade do Miño volve apostar pola diversidade lingüística co acollemento de máis de 200 estudantes procedentes de 38 países, promovendo o diálogo intercultural e a visibilidade das linguas e culturas a través da educación.
Fonte: Mais Guimarães
06 de febreiro de 2026
A radiotelevisión pública de Polonia puxo en marcha unha versión en lingua romanesa do seu servizo informativo para a República Moldova co obxectivo de ofrecer información fiable, combater a desinformación e reforzar o acceso a contidos independentes para a poboación romanófona do país.
Fonte: Polskiego Radia
06 de febreiro de 2026
O Ministerio de Educación da República Moldova lanzou un programa nacional para mellorar a aprendizaxe da lingua romanesa entre 2026 e 2028. A iniciativa inclúe formación para docentes, novos materiais didácticos e medidas para reforzar a competencia lingüística do alumnado.
Fonte: Moldpres
Boletín
Subscríbase ao boletín
