A federación de Escolas Católicas, que agrupa 112 colexios relixiosos concertados na comunidade galega, entregou os galardóns literarios Frei Martín Sarmiento, que xa van pola vixésimo segunda edición. Estes recoñecementos, que buscan impulsar a lectura en galego, contan co apoio da Secretaría Xeral da Lingua e co patrocinio do grupo Anaya.

O correlingua Agermanat, unha iniciativa cultural e reivindicativa en defensa da lingua catalá, chegou a Bruxelas como símbolo da unidade dos territorios catalanofalantes e da proxección internacional do idioma. A acción busca visibilizar o uso social do catalán e reforzar a súa presenza nas institucións europeas mediante unha mobilización popular que combina cultura, deporte e activismo lingüístico.

Fonte: Diari de la Llengua

O Departamento de Política Lingüística prepara unha guía para orientar o Goberno de Cataluña e os altos cargos no uso institucional do catalán, co fin de fixar criterios claros e homoxéneos para que sexa a lingua normal da Administración. O recurso abranguerá a actividade corporativa, administrativa e pública, así como as comunicacións internas e externas, tanto orais como escritas, presenciais ou dixitais.

Un estudo da Universidade de Santiago de Compostela alerta da escasa presenza do galego nas aplicacións de aprendizaxe de idiomas, onde apenas existen propostas específicas e as dispoñibles presentan limitacións de calidade, usabilidade e identificación co uso real da lingua. Aínda que ferramentas como o Dicionario da RAG ou o Tradutor Gaio resultan útiles para consultas, non substitúen unha plataforma didáctica completa.