Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Segundo o diario canadense Le Droit, a edición francesa do manual para a condución do Goberno de Ontario (Canadá) está esgotado desde hai máis de dous anos, o que obriga os automobilistas francófonos a aprenderen a conducir en inglés.
Fonte: La Presse
Unhas inscricións en reliquias descobertas na cidade chinesa de Xangai, que se pensan que son anteriores aos restos máis antigos de escritura chinesa, poderían botar luz sobre as orixes da lingua e cultura chinesas.
Fonte: The Guardian
"O ensino da lingua portuguesa en China atópase nunha fase entre a xeneralización e o perfeccionamento", afirmou a profesora Zhao Hong Ling con motivo da apertura do II Foro Internacional de Ensino da Lingua Portuguesa en China, que tivo lugar en Macau, antiga colonia de Portugal.
Fonte: Praza Pública
Alcaldes do Bloque Nacionalista Galego (BNG), Compromiso por Galicia (CxG) e Anova veñen de presentar a Irmandade Municipal Nacionalista e Galeguista (IMNG).
O delegado de Cultura e Turismo da Deputación de Lugo, o nacionalista Mario Outeiro, asinou un convenio coa Associaçom Galega da Língua (AGAL) para pór en marcha o programa 'OPS!' (O portugués Simples), co que pretende mostrar ao alumnado a "ventaxe" que supón falar galego, porque "permite acceder ao mundo que se expresa en portugués".
Fonte: ABC
O Fútbol Club Barcelona obriga por contrato os seus canteiráns que non falan catalán a aprenderen o idioma, a través de clases particulares financiadas polo propio club. Os mozos futbolistas de La Masia tamén deben acudir a actos organizados polo club ou sobre a cultura catalá, para potenciar a súa integración.
Fonte: El Confidencial Digital
A Mesa pola Normalización Lingüística fixo públicas as queixas recibidas por parte dunha alumna da UNED que viu con abraio como nos manuais e nos exames da materia “Comunicación Oral y Escrita en Lengua Española II” había toda unha listaxe de topónimos galegos nos que as formas xenuinas e oficiais eran marcadas como incorrectas e se prescribía a súa substitución polas formas deturpadas en español.
A actividade “Augalingua”, posta en marcha pola Consellería de Cultura, Educación e Ordenación Universitaria para dinamizar o uso da lingua galega entre a rapazada de concellos da Rede de Dinamización Lingüística (RDL) da Xunta de Galicia, chegará estes días ás piscinas municipais de Vilamarín, Taboada, Monterroso e Guntín, no marco do programa “FalaRedes 2013”.
Fonte: Xunta de Galicia
Esta colaboración inscríbese no Plan de Fomento de uso do catalán no sector laboral que a Dirección Xeral de Política Lingüística leva a cabo con diversas organizacións deste ámbito.
Fonte: Generalitat de Cataluña
A Consellería de Educación e Cultura de Estremadura autorizou a creación de 42 novas seccións bilingües en centros educativos da rexión para o curso académico 2013/2014, o que supón un incremento dun 20,68 por cento en relación ao curso anterior.
Fonte: Hoy
Subscríbase ao boletín
