O Centro Ramón Piñeiro para a Investigación en Humanidades acolle o “Seminario/obradoiro internacional: inmigración/emigración e identidade na literatura infantil e xuvenil. Século XXI”.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de xullo de 2013
08 de xullo de 2013
O ministro de educación de Bolivia inaugurará na capital boliviana o primeiro de 37 institutos dos dialectos bolivianos. O Instituto Plurinacional de Estudos e Linguas de Cultura Aimará funcionará como academia da lingua, fixará normas e regularará o uso de neoloxismos.
Fonte: Telesur
08 de xullo de 2013
Este ano, a illa caribeña de Aruba conmemora un aniversario moi especial: hai exactamente dez anos, o papiamento, lingua máis falada na illa, converteuse un dos idiomas oficiais do país. Malia existir desde o século XVI, só en 2003 esa curiosa mestura de portugués, español, francés, neerlandés, italiano e inglés gañou o mesmo status que o neerlandés, a outra lingua oficial de Aruba.
08 de xullo de 2013
O 91,9 % dos estudantes menorquinos realizou os exames de selectividade en catalán. Os menorquinos son desta maneira os alumnos de Baleares que máis utilizaron a lingua propia para faceren os exames.
Fonte: Menorca al Día
08 de xullo de 2013
O Departamento de Educación activará o próximo curso en institutos, de forma piloto, o Plan de Acción para o Plurilingüismo Efectivo do alumnado, co obxectivo de reforzar a lingua estranxeira entre os estudantes cataláns.
Fonte: El Mundo
07 de xullo de 2013
A vixésimo sexta edición dos Cursos de verán de lingua e cultura galegas para estranxeiros comezou o venres 5 na Facultade de Filosofía da Universidade de Santiago de Compostela onde se deron cita os 72 alumnos e alumnas de 27 estados distintos de Europa, América, Asia e África que participarán ata o 24 de xullo nas distintas actividades programadas. Esta é unha acción formativa que organizan conxuntamente o Instituto da Lingua Galega da Universidade de Santiago, a Real Academia Galega e a Secretaría Xeral de Política Lingüística da Xunta de Galicia.
07 de xullo de 2013
Nunha réplica por escrito ao Bloque Nacionalista Galego sobre a garantía do mantemento e promoción dos medios de comunicación en lingua galega, a Xunta de Galicia atribúe as dificultades polas que están a pasar estes medios á "conxuntura económica de crise que se está a vivir e que afecta a maior parte dos sectores produtivos".
Fonte: Praza Pública
06 de xullo de 2013
Behatokia, o Observatorio Vasco de Dereitos Humanos, fixo público na cidade francesa de Baiona o seu informe anual no que constata a imposibilidade de vivir completamente en éuscaro no País Vasco francés.
Fonte: Le Journal do Pays Basque
06 de xullo de 2013
A totalidade do alumnado do País de Gales debería aprender ata un terzo das súas clases co galés como lingua de instrución, demandou a Sociedade da Lingua Galesa. Esta asociación tamén se mostrou partidaria de que o ensino da lingua galesa como lingua estranxeira, como o francés ou o español, se erradique do ensino.
Fonte: Daily Post
05 de xullo de 2013
Numerosos inmigrantes francófonos que escolleron a capital do Canadá (Otava) como lugar de residencia están decepcionados ao constataren o bilingüismo "de fachada" que caracteriza a cidade. Aínda que existen servizos gobernamentais en francés, a nivel privado, o uso da lingua francesa é moi escaso.
Fonte: La Presse
Boletín
Subscríbase ao boletín
