O secretario de Estado da Comunicación Social de Angola, Manuel da Conceição, inaugurou en Luanda a redacción dos servizos de noticias en lingua portuguesa da Axencia Panafricana de Noticias (PANAPRESS).
Fonte: Agência AngolaPress
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de xullo de 2013
05 de xullo de 2013
O chinés incorporarase, a partir do próximo curso, á relación de linguas que se poderán estudar na Escola Oficial de Idiomas de Lugo. A directora do centro, Blandine Mouret, recibiu, por parte da Consellería de Educación, a noticia da incorporación desta lingua ao plan de estudos do centro, cumprindo así unha vella demanda do alumnado lucense.
Fonte: El Progreso
05 de xullo de 2013
O Concello de San Sebastián volverá a pór en marcha o programa Haurrak Beti Jolasean para fomentar o uso do éuscaro fóra das aulas a través de xogos e actividades lúdicas.
Fonte: Diario Vasco
05 de xullo de 2013
O Informe da CMT sobre accesibilidade dos contidos televisivos, publicado esta semana pola Comisión do Mercado de Telecomunicacións (CMT), presenta a actividade dos operadores con respecto ao cumprimento da lei xeral da comunicación audiovisual. Segundo este informe, a finais de 2012, a porcentaxe de horas emitidas con subtítulos foi do 50 % nas canles públicas e o 45 % nas privadas.
Fonte: Mundoplus
05 de xullo de 2013
O concerto familiar “Rosalía Pequeniña”, impulsado pola Consellería de Cultura, Educación e Ordenación Universitaria, continúa a súa xira polos concellos da Rede de Dinamización Lingüística (RDL) da Xunta de Galicia, a través do programa “FalaRedes 2013”. A iniciativa, que pretende dinamizar o idioma por medio da poesía cantada e achegarlle os poemas máis coñecidos da gran poetisa do Rexurdimento galego á xente miúda da casa, chegará agora aos concellos de Sobrado, Teo e Val do Dubra.
04 de xullo de 2013
O 80,4 % dos exames das probas de acceso á Universidade das Illas Baleares contestouse en catalán, informa a institución docente, que apunta que o dato representa unha estabilización do uso desta lingua en valores considerablemente altos.
Fonte: Diario de Mallorca
04 de xullo de 2013
A Consellería de Educación comezou a enviar aos centros un modelo de enquisa para preguntar aos pais en que idioma prefiren escolarizar os seus fillos na etapa de infantil o próximo curso. Esta consulta prodúcese despois de que o Tribunal Superior de Xustiza de Galicia declarase ilegal que a consulta aos pais tivese carácter vinculante para decidir o idioma no que estudar.
Fonte: Faro de Vigo
04 de xullo de 2013
Logo do seu paso pola capital de Galicia, a exposición permanecerá ata o 18 de xullo na Sala Municipal de Exposicións de Tui, onde será inaugurada polo secretario xeral de Cultura.
Fonte: Xunta de Galicia
04 de xullo de 2013
A produtora teatral Arena crea o English arena Festival (EaF), o primeiro festival de artes escénicas en lingua inglesa que nace coa vocación de ser un encontro anual onde teñan cabida todo tipo de xéneros escénicos, interpretados en inglés.
Fonte: La Verdad
04 de xullo de 2013
Desde as súas orixes foron ampliando progresivamente a súa oferta formativa e o seu número de alumnos chegando a superar os 7000 anuais, procedentes de máis de 70 países.
Fonte: Salamanca 24 horas
Boletín
Subscríbase ao boletín
