Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Economía e Industria, Francisco Conde, valorou o traballo desenvolvido pola Fundación Galicia Empresa pola "promoción, vertebración e divulgación da empresa galega como entidade específica" grazas á súa promoción do uso do galego.
Fonte: ABC
A Xunta decidiu crear unha nova categoría nos Premios da Cultura Galega dedicada á lingua, que recoñecerá o traballo a prol da extensión do uso do galego, para o que se valorará o desenvolvemento de obras e de iniciativas destinadas a afianzar a súa utilización e a súa valoración social.
Fonte: ABC
A Deputación de Guipúscoa criticou o “manifesto retroceso” do uso e a atención en éuscaro en Kutxabank desde a fusión das tres caixas vascas.
Fonte: Finanzas
Unha web ofrece en lingua de signos o regulamento xeral de circulación para facilitarlles a obtención do permiso de conducir ás persoas xordas, como complemento ás ensinanzas que se imparten nas autoescolas.
Fonte: Las Provincias
O Equipo de Normalización Lingüística do IES Pintor Colmeiro, de Silleda, presenta os resultados do seu estudo "A paisaxe lingüística de Silleda. Bases para a normalización do contorno".
Fonte: Consello de Cultura Galega
A aplicación que permite a consulta de bUSCatermos desde móbiles e tablets que usen Android xa se pode descargar en Google Play. As persoas que o fagan terán acceso nos seus dispositivos a unha base de datos que compila información sobre máis de 150 000 conceptos das áreas especializadas máis diversas (ciencias da saúde, dereito, botánica, zooloxía, educación, historia, xeografía…).
A Consellería de Cultura, Educación e Ordenación Universitaria vén de resolver a orde de subvencións para a edición en lingua galega de recursos didácticos curriculares para niveis non universitarios, ao abeiro da convocatoria regulada na Orde do 25 de xaneiro de 2013.
Fonte: Xunta de Galicia
O secretario xeral de Política Lingüística, Valentín García, representou a Consellería de Cultura, Educación e Ordenación Universitaria no acto de clausura do curso escolar 2012-2013 do colexio compostelán Divino Maestro. García Gómez impartiu un relatorio centrado no 30.º aniversario da aprobación da Lei de normalización lingüística.
Fonte: Xunta de Galicia
Segundo explican desde Iniciativa, “a finalidade deste proxecto é dotar a lingua asturiana dun status, ademais dun uso útil e activo na sociedade asturiana, capaz de xerar beneficio económico e social a través da sinatura de convenios con empresas e negocios que busquen introducir o asturiano cuns criterios básicos de uso”.
Fonte: Infoasturies
A Consellería de Cultura, Educación e Ordenación Universitaria participou en Vigo na reunión ordinaria da Comisión Interuniversitaria de Política Lingüística, na que está representada a través dos responsables das secretarias xerais de Política Lingüística e de Universidades.
Fonte: Xunta de Galicia
Subscríbase ao boletín
