Segundo datos dos Servizos de Educación e Xuventude de Macau, máis de 5000 alumnos macaenses aprenden actualmente portugués como disciplina regular ou extracurricular nas escolas locais.
Fonte: O Mirante
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de xuño de 2013
Os alumnos de escolas públicas de Xapón, cuxa lingua materna non sexa o xaponés, poderán aprender o idioma durante as clases regulares a partir do próximo ano lectivo, grazas a unha provisión aprobada polo Ministerio de Educación nipón. As clases estarán a cargo de persoas con dominio da lingua materna dos alumnos mencionados.
Fonte: International Press
14 de xuño de 2013
O Instituto Confucio de Lisboa prevé 500 novos estudantes de chinés mandarín no próximo ano académico, sinal do crecente interese dos portugueses pola lingua chinesa, sobre todo por motivos profesionais.
Fonte: Sapo
14 de xuño de 2013
O programa de dinamización lingüística no eido deportivo promovido pola Consellería de Cultura, Educación e Ordenación Universitaria para a Rede de Dinamización Lingüística (RDL) da Xunta de Galicia, “Espello Deportivo” chega ao seu fin en Vilagarcía de Arousa.
Fonte: Xunta de Galicia
14 de xuño de 2013
A Asociación Catalá Consumidores (Consumcat) concluíu nun estudo que hai “un baleiro legal insólito” nas leis lingüísticas catalás, ao non establecer a obrigatoriedade de usar o catalán na publicidade na rúa, senón que son os municipio quen poden regulalo.
Fonte: ABC
14 de xuño de 2013
Como todos os anos, o Departamento de Éuscaro do Concello de Lezo dará subvencións co obxectivo de fomentar o uso do éuscaro no ámbito social e promover o coñecemento e a mellora do idioma tanto no contorno familiar como no social.
Fonte: Diario Vasco
14 de xuño de 2013
Este novo espazo dixital, desenvolto conxuntamente pola Real Academia Galega e a Fundación Barrié, ten como obxectivo contribuír ao coñecemento e difusión dos recursos léxicos creados pola Academia entre a comunidade escolar.
Fonte: RAG
13 de xuño de 2013
O secretario xeral de Política Lingüística, Valentín García, en nome da Consellería de Cultura, Educación e Ordenación Universitaria, clausurou en Pontedeume a mostra “Querido Balbino, 1961-2011. 50 anos de 'Memorias dun neno labrego'”.
Fonte: Xunta de Galicia
13 de xuño de 2013
A Consellería de Cultura, Educación e Ordenación Universitaria, por medio da Secretaría Xeral de Política Lingüística, convocou oito prazas en lectorados de lingua, literatura e cultura galegas en España, Alemaña, Reino Unido e Polonia.
Fonte: Xunta de Galicia
13 de xuño de 2013
O secretario xeral de Política Lingüística da Cultura, Educación e Ordenación Universitaria, Valentín García Gómez, participou na rolda de prensa de presentación de dous novos recursos terminolóxicos orientados a facilitar o uso do galego no sector do turismo e da restauración. Trátase do Vocabulario Galego-Italiano: Hostalería (aloxamento, restauración, economía, lecer, viaxe) e mais o Vocabulario Galego-Italiano: Gastronomía, ambos os dous editados pola Universidade de Santiago de Compostela (USC).
Boletín
Subscríbase ao boletín
