Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Quiñentos anos despois da chegada do primeiro portugués a China, a aprendizaxe da lingua portuguesa está medrando grazas ao impulso dos negocios e á promoción do bilingüismo, declararon responsables políticos e das institucións do ensino na cidade chinesa de Macau.
Fonte: Diário Digital
Os máis de 250 millóns de habitantes dos países de fala portuguesa celebran o luns 10 de xuño o día da lingua lusa, cuxa importancia internacional gaña impulso pola importancia económica e demográfica do Brasil e Angola.
Fonte: El Universal
A Comisión Europea aprobará un novo proxecto piloto que mellorará a comunicación entre as institucións europeas e os cidadáns xordos ou con deficiencia auditiva por medio da instalación de tecnoloxías audio e vídeo nas institucións da UE, para que os funcionarios poidan comunicarse máis facilmente cos usuarios da lingua de signos.
Fonte: Local
O Parlamento francés aprobou o recoñecemento do "ensino facultativo" das linguas minorizadas na nova Lei de educación que está a debater o lexislativo. Este ensino facultativo poderá ser de dúas formas: "un ensino da lingua e a cultura rexionais" ou "unha educación bilingüe en lingua francesa e na lingua rexional".
Fonte: Nationalia
Dous institutos malagueños, o IES Valle del Azahar de Cártama e o Christine Picasso da capital, incorporaranse o próximo curso ao programa Saramago para o ensino do portugués como segunda lingua estranxeira.
Fonte: Diario Sur
O Goberno de Navarra impartiu formación de éuscaro a un total de 770 empregados públicos da Comunidade Foral entre setembro de 2012 e maio de 2013. Supón un incremento do 33,2 % con respecto ao mesmo período do ano anterior, cando 578 empregados participaron nos cursos extensivos, intensivos, de autoaprendizaxe e de conversa ofertados polo Instituto Navarro do Vascuence, conxuntamente co INAP.
Fonte: Noticias Press
Desde a Coordinadora de Traballadores/as de Normalización da Lingua (CTNL) propoñen unha xornada o sábado 22 de xuño para botar a lingua de fóra.
Fonte: CTNL
O secretario xeral de Política Lingüística da Consellería de Cultura, Educación e Ordenación Universitaria, Valentín García, visitou o Instituto Español Vicente Cañada Blanch de Londres, no marco da viaxe oficial que está a realizar no Reino Unido para achegarse a centros do exterior nos que se imparte docencia da lingua, literatura e cultura propias de Galicia.
Fonte: Xunta de Galicia
Os resultados do barómetro elaborado polo CIS tras os comicios autonómicos do pasado 21 de outubro revelan que un 54,7 por cento dos votantes consultados ten o galego como lingua materna, fronte a un 30 por cento que ten o castelán.
Fonte: ABC
O museo Terra de Melide vén de obter un recoñecemento pola defensa que realiza da lingua galega no seu contido e en todas as súas actividades. Así o fixo saber a Asociación Cultural Servizo de Normalización Lingüística Terra de Melide que outorga, nesta ocasión, o segundo Premio á Defensa do Idioma.
Fonte: El Correo Gallego
Subscríbase ao boletín
